隨住《反斗奇兵4》上映嘅日子越嚟越近，相信大家亦感受到鋪天蓋地嘅宣傳，唔少品牌都趁機推出相關聯乘商品，令人銀包乾涸~ 韓國Daiso 亦加入《反斗奇兵4》周邊產品嘅戰爭，推出《Toy Story》精品聯乘系列，每一款都可愛得令人無法割捨！

韓國Daiso各式各樣嘅文具同生活商品款式精美，價錢親民，更會不時推出聯乘精品，每次都會掀起一陣搶購熱潮。近日Daiso推出咗30款1,000 - 5,000韓圜嘅《Toy Story》精品聯乘系列新品，周邊商品從生活用品、文具、旅行小物到餐具、公仔等等咩都有，售價只需約7港元起。有部分商品更開始斷貨，大家要快啲搵代購啦！

1. 隨身小包

從化妝袋、筆袋、索縄袋到散紙包都有，快啲趁呢個機會將包包入面雜亂小物都整理一下，用Toy Story角色嘅可愛袋仔收納啦！

售價：2000韓圜（約港幣14元）

2. 防水環保袋

夏天到啦，好多人都鍾意到海邊玩，呢個時候一定要準備一個防水袋裝住各種物品！呢款環保袋嘅防水功能優秀，好適合家庭出遊！

售價：3000韓圜（約港幣21元）

3. 文具

文具組有巴斯光年、三眼仔、翠絲等人嘅長型便條紙，以及一組嘅可愛小型便利貼，甚至火腿、勞蘇等角色嘅布章貼都超萌！重點係價格超級平，全部打包帶返屋企都唔驚荷包受傷！

售價：1000韓圜（約港幣7元）

4. 旅行用品

護照套、行李名牌造型可愛，又實用，暑假嚟啦，去旅行就帶住呢啲可愛小物一齊走啦～ 仲有頸枕比大家撘飛機瞓覺嘅時候用，發個好夢~

另外仲有極貝新意嘅「停車用電話牌」，平常停車後會喺擋風玻璃下壓一張聯絡資訊怕擋住其他人，呢次Daiso推出嘅電話牌實用又可愛！不過，設計係以韓國電話號碼為主，大家可以喺11格方格內貼上附帶數字卡上嘅號碼，貼好後就可以放置喺車前啦～

售價：2000～5000韓圜（約港幣14～35元）

4. 雨傘

小編最想入手嘅就係雨遮！最近陣雨頻繁，突然就落起傾盆大雨，點可以無一把可愛嘅雨遮傍身? 無論係縮骨遮或者透明長遮都絕對可以令你擁有快樂雨天，一撐起把遮就係三眼仔、巴斯光年嘅可愛樣，心情都變好啦！仲要價錢超抵，係必買推介~

售價：3000～5000韓圜（約港幣21～35元）

5. 禮品袋、包裝盒

如果朋友超鍾意Toy Story，送生日禮物就用呢個禮品袋同包裝盒嚟包禮物啦！唔只禮物珍貴，相信佢會連包裝嘅袋同盒都會好好收藏~

售價：1000～3000韓圜（約港幣7～21元）

6. 家用拖鞋

連拖鞋都要趁機換新！因為實在太CUTE啦！毛絨質地舒適軟綿，相信穿上後絕對唔捨得除落嚟～

售價：3000韓圜（約港幣21元）

7. 杯、保溫瓶

馬克杯附有杯蓋、 夏天適用嘅飲管水杯配色簡單卻十分可愛，而保溫瓶則係以滿版花紋設計～ 夏天需要補充水份，快啲買一個用啦！

售價：3000～5000韓圜（約港幣21～35元）

8. 玩偶、滑鼠護腕

胡迪、巴斯光年嘅Q版公仔超萌！喺Daiso以超抵價入手軟萌嘅公仔是常識吧？今次推出咗主角巴斯光年同胡迪嘅公仔，有大細唔同size選擇～ 兩款公仔嘅設計都十分細緻花心思，尤其服裝設計上更係高度還原～ 但好笑嘅係點解Q版公仔肥到連頸都、唔、見、咗，連身體都圓碌碌！

不過最實用嘅係絨毛護腕，每個上班族都應該要買一個喺辦公室用！既能保護長期用電腦嘅手腕，造型又可愛，大家快啲放入必買清單！

售價：3000～5000韓圜（約港幣21～35元）

9. LED夜燈

好多女仔會喺房擺一盞夜燈，夜晚臨瞓前滑手機嘅時候好好用呀！而且亦能替房間增添氣氛，三眼仔霓虹夜燈簡單但又不失可愛，另外胡迪x巴斯光年款 以及巴斯光年x三眼仔款 壓克力片夜燈則讓房間充滿童趣！呢3款LED造型燈科幻感十足，攏喺房頓時增加亮點～

售價：5000韓圜（約港幣35元）

呢次Daiso嘅Toy Story系列真係太燒錢啦！因為可愛又實用，再加上價格實惠，整個系列三十幾種商品買晒佢都唔成問題呀！身為迪士尼、Toy Story嘅粉絲，快啲去搶購啦！唔知道大家破產未呢~

售賣地點﹕韓國Daiso全線分店 (以個別分店貨量為準)
營業時間﹕10:00 - 22:00
詳情﹕ https://www.instagram.com/daisolife/?utm_source=ig_embed