炎炎仲夏，無懼酷熱高溫，準備迎接水花四濺嘅香港迪士尼樂園反斗夏日！ 大熱動畫《反斗奇兵4》將於7月11日上映，雖然電影未有得睇住，但反斗奇兵熱潮已經率先攻到迪士尼啦！由2019年6月26日起至9月1日，港人可以優惠價$688入園兩次，玩盡反斗夏日加萬聖節兩個慶典，大家快啲加入反斗聯萌，投入呢場夏日盛事！
由即日起至9月1日入香港迪士尼樂園玩，唔單止可以同胡迪、翠絲、三眼仔、巴斯光年等見面，仲可以快人一步見到以全新造型亮相一步見到以全新造型亮相嘅牧羊女寶貝同可愛新角色小叉！
「Pixar水花大街派對」
今個夏天，「Pixar水花大街派對」將會升級，《反斗奇兵》和《海底奇兵》兩架全新噴水花車將會加入派對行列！
《反斗奇兵》一眾玩具朋友齊齊現身，同大家玩水消暑！ 升級版的派對水花加倍，由花車噴出高達7米的水柱，水力驚人！只要站在水車附近，就會全身濕透，暑氣全消！
此外，《沖天救兵》嘅卡叔、羅小飛、同阿德；《反轉腦朋友》嘅阿樂同阿愁；《超人特攻隊》嘅超能先生、超能太太同E夫人等，都會現身同大家大玩水花！
《反斗奇兵》牧羊女以全新造型現身
入樂園玩，玩得開心係重點，打卡更係重重點。呢次回歸電影《反斗奇兵4》嘅牧羊女寶貝，將會以一身帥氣嘅新造型首次現身香港迪士尼！大家可以同佢合照留念。
超過280款夏日限定主題商品
超過280款夏日限定主題商品將會於迪士尼中登場，當中超過110款全新嘅《反斗奇兵》主題商品，包括可愛角色小叉，產品包括毛公仔、玩具、文具、T恤等等，應有盡有。
喺美國小鎮大街嘅商店內，仲可以同《 反斗奇兵4》多個角色嘅紙牌合照。
特別推介產品有全新趣怪三眼仔造型帽，你可以將名字刺繡於帽邊，變成獨一無二嘅收藏品。
入場玩一次唔夠喉？即日起至10月31日，香港居民有特別優惠！用$688購買「雙重暢玩優惠」門票，即可入園兩次；另外，喺樂園內商店購物更享9折，食飯點選精選或豪華餐廳晚餐套餐$20折扣，戶外小食亭爆谷買1送1！
呢項優惠真係超筍，因為單次入場普通日子都要$639，平時買2日門票成人都要$825，依家只要畀單日門票多少少價錢，就可以入場玩兩次兼享飲食和購物著數，的確係好抵。不過咁，第2次入園規定喺9月1日至10月31日，大家買票前要留意下schedule啦！
迪士尼反斗夏日——大玩水花
日期：6月26日起至9月1日
地點︰香港迪士尼樂園
