夏日嘅天氣,悶熱又潮濕,尤其喺香港呢個濕氣咁重嘅地方,出門後行幾步路就出晒汗,唔止會溶妝,更會影響儀容。想解決以上問題?咁就要留意下以下幾招啦~
第1招:頭髮防油
* Dry Shampoo 頭髮乾洗噴霧
出汗後,頭髮難免變得油笠笠,瀏海更加會塌晒落嚟。為咗解決呢個問題,大家可以用Dry Shampoo 頭髮乾洗噴霧。首先用手抓鬆頭髮,搖勻乾洗噴霧後,再喺距離髮根 30 cm 位置,噴於頭皮及髮根位置。然後,將手指插到髮根位置,把多餘嘅乾洗粉撥走。最後,用梳整理頭髮,能有助乾洗粉更均勻散布,唔會出現局部變白嘅情況。
一噴一梳就可以解決油頭,簡直係懶人恩物~ 不過切記乾髮粉並無真正清潔功效,只有吸油作用,唔可以代替洗頭。另外乾髮粉唔可以經常使用,使用後亦要徹底清洗髮根。假若粉末持續殘留,有機會阻塞毛孔。
* 碎粉或爽身粉
如果嫌Dry Shampoo略貴,又要特登買過一樣產品,可以選擇利用碎粉或爽身粉,輕輕拍打喺頭髮上吸收油份,瞬間讓頭髮變得乾爽!注意要用透明嘅粉末,如果唔係頭頂就會有一攤攤顏色啦~
第2招:妝前護理
徹底清潔皮膚係化妝準備嘅第一步。清潔臉部皮膚,確保表面無油脂同污垢。當毛孔舒暢,所使用嘅保養品能輕鬆地被真皮吸收,肌膚自然柔細、光澤。
* 保濕
保濕真係很重要,因為皮膚出油多數係由缺水所致,所以上妝前一定要先做好打底工作,令妝容服貼,先唔會一出汗就浮粉。女生可將化妝水倒喺化妝棉上,喺臉上濕敷5分鐘,再塗上精華液及乳液,待皮膚完全吸收後先化妝。
* 妝前乳
喺出油出汗嘅夏天,妝前乳嘅作用尤其明顯!因為妝前乳可以填補毛孔、補濕、控制出油,許多妝前乳塗嘅時候覺得有啲粘,但正正係呢種粘性令之後上嘅粉底液更加有吸附力,不容易脫妝。
第3招:化妝Tips
一出汗,妝容就難免會脫妝。想妝容持久一整天,時刻以最完美的面目示人?咁就要選擇防水防汗嘅底妝及彩妝產品,否則一脫妝就會變花臉貓~
* 眼妝
喺上眼妝之前塗上眼部打底,可以令眼影更顯色、持久,不至於一天過後啲眼影甩晒。眼線方面,眼線膠嘅持久度較眼線筆或眼線膏為佳,具有防水效果嘅眼線液亦不易暈染,油眼女生畫完眼線之後,可以沾取少量同色眼影粉輕輕印於喺眼線上,以吸附油脂避免變熊貓眼。
* 眉妝
眉毛稀疏嘅女生最怕眉毛脫妝啦,普遍而言眉膏及眉膠會比眉筆或眉粉持久。此外還可以再上一層透明眉毛定型液。
* 底妝
比起氣墊粉底或粉餅,粉底液嘅妝容會比較持久。建議選擇粉霧質地的粉底液。容易出油的T字位的用量應避免使用太多粉底液,否則一出油,臉上立即浮出脫妝痕跡。 比起氣墊粉底或粉餅,粉底液嘅妝容會比較持久。建議選擇粉霧質地的粉底液。
* 遮瑕
遮瑕脫妝嘅話,全臉嘅瑕疵就會通通跑出嚟見人,相信大家都想避免呢種情況發生。只要喺打底時先上一層遮瑕,上完底妝後再喺有瑕疵嘅位置再輕輕塗上遮瑕膏,就能延長遮瑕持久度。
* 定妝
控油蜜粉係維持妝容細緻持久嘅終極武器,佢能為妝容形成一層保護膜,輕輕壓喺容易出油嘅T字位能吸走臉上多餘油脂,同時遮蓋瑕疵,打造自然無瑕肌~ 蜜粉可分為透明系同珠光系,油肌嘅女生要避免使用含珠光嘅蜜粉,以免睇落油光滿面。
唔鍾意底妝太粉狀嘅可以使用定妝噴霧,持妝力特強,而且用法方便,噴完皮膚會有光澤感,底妝都變得通透。
第4招:腋下管理
使用止汗劑,只要塗一點便能夠喺短時間內止汗,不過不能常用。如果屬於敏感皮膚嘅話,塗完應用清水抹一抹,塗抹後兩天內避免使用脫毛產品,以免刺激皮膚。清除腋毛亦能使腋下更清爽,還能同時去除異味。