小儀嘅麵麵店又開新店喇！6月7日，座落係將軍澳MCP新都城中心1期嘅新店正式開幕，想一試小儀嘅手勢又多一個好地方！

新店裝修型格，仲可以用手機電子落單同網上外賣自取等服務，為忙碌嘅香港人慳返唔少時間。

麵麵店提供近50款車仔餸，除了傳統車仔餸之外，更有麻辣蓮藕、酸齋、麻辣腩肉片、沙葛餃等特色車仔餸，花款十足，咩都有得俾你揀啊！

小儀推介嘅蓮藕，爽口之餘，麻香俱備，鐘意食辣一定要試下。

出奇配搭 脆卜卜酸齋

有咬口、脆卜卜嘅酸齋係麵麵店嘅賣點。酸齋可能俾人覺得同車仔麵格格不入，但原來當酸齋同濃味車仔餸配搭埋一齊，又係幾夾幾有驚起！

罕見車仔餸　麻辣腩肉片

腩肉切成薄片，辣味香濃！

清甜爽口 沙葛餃

彈牙豬肉顆粒混合左沙葛後感覺不會太膩，口感爽脆，味道清甜～

豉油皇雞翼尖

介乎於瑞士汁同鹵水之間精華結合，醬汁滲入雞翼尖之中。

車仔麵三寶

魚蛋彈牙、咖哩魷魚爽脆、蘿蔔清甜，香港街頭風味十足！

小儀至愛推介4餸車仔麵

8餸足料招牌雜燴麵

無限任添　勁辣惹味車仔醬

客人可自由任添惹味車仔醬，將車仔麵調較至喜歡嘅辣度，愛辣嘅朋友一定要試。

小儀係屋邨長大，自細就鐘意食車仔麵嘅小儀係麵麵店食到到回憶中嘅味道後決定保留呢個味道，將佢發揚光大！小儀希望麵麵店將來可以擴展到更多商場同地區，貼近更多小康家庭嘅生活圈子!

麵麵店 (將軍澳店)

地址：將軍澳貿業路8號新都城中心1期
2樓241、250及251號舖

(港鐵寶琳站B2出口)

電話：3996-8937

座位： 45個

營業時間：7:00am – 10:00pm