夏日炎炎嘅天氣要如何度過呢？東京日本橋地區將於今年7月5日至9月23日，舉辦夏日祭典「ECO EDO 日本橋 2019～以五感體驗江戶之涼～」，街頭化身為金魚大街，同時感受江戶時代乘涼方法，俾大家散一散悶熱心情！

以「金魚」重現江戶納涼智慧　用五感體驗當地文化傳統

一年一度嘅夏日盛宴，屈指一算原來今年已經舉行到第12屆！從古至今嘅日本文化中，夏天賞金魚係江戶時期嘅傳統，因此祭典將江戶時代日本橋所孕育嘅避暑納涼智慧，以現代方式重現係各式活動中，讓大眾了解當地納涼文化傳統！

金魚大燈籠參道「仲通燈光投影表演」

福德神社參道上嘅「仲通」將會被藍光所包圍，營造川河流水嘅形態。繼而以燈光投射於「水面」上，展現出煙花綻放嘅模樣，充滿納涼氣息又帶點浪漫。仲有1.8米嘅巨「金魚大燈籠」, 由「ECO EDO 日本橋 2019」藝術總監木村英智先生負責監修設計高約，用以佈置「金魚大燈籠參道」化身成金魚大街，充滿江戶風情！

「森林風鈴小徑」

從福德神社到福德之森嘅小路上將會裝飾大約200個充滿江戶色彩嘅風鈴，一邊聽風鈴嘅聲音一邊感受涼風，係一個非常適合成涼嘅地方。

浴衣體驗活動

提到日本嘅夏天，當然少不了最傳統嘅「浴衣」！到訪嘅客人皆可以享有當日租借浴衣嘅服務，穿著傳統服飾在街上行走！

租借時間:10:00～18:00

費用:5,500日圓（專人穿著服務需另加3,000日圓）

※8月31日休息

「金魚甜品與限定餐飲」

日期: 7月5日至9月23日

日本橋地區的114間餐廳亦會推出以「金魚」為主題，擺盤造型精美的「打卡」美食及餐飲，用冰涼的甜品和飲品來解暑就最適合不過！

「ECO EDO 日本橋 Art Aquarium 2019 ～江戶・金魚之涼～ ＆ 夜間水族館」

呢個水族館由藝術總監木村英智先生創作，以「金魚」為主，構思將藝術同水族館融為一體。鑑賞缸裡面上百條嘅品種嘅金魚隨光影游動。此外，另一作品「天井金魚」以鏡面視覺效果配合音樂節奏變化，金魚缸顏色亦會轉換。

「ECO EDO 日本橋 2019～五感體驗江戶之涼～」詳細資料

活動期間：2019年7月5日～9月23日

地點：日本橋地區 (COREDO室町、COREDO日本橋、日本橋三井塔等)

COREDO 室町

【地址】東京都中央區日本橋室町2-2-1

【交通】東京地下鐵三越前站直達、JR新日本橋站直達

【營業時間】店舖: 10：00～21：00

餐廳: 11：00～23：00

※部分店舖會有所不同