最近深圳真係好多好值得去嘅展覽，呢個G&G時光展比較冷門，一黎佢係蛇口，聽落比較遠，二黎需要入場費60蚊人仔，所以比較少人去，但小編親身去過之後，覺得其實真係幾值得，有時間不妨去Hea返一日啊！

時光展嘅主辦方認為，美好的生活是懂得選擇，只選擇使你感到愉悅的，讓生命只在美好的事物上花時間。所以呢個展覽主要係展出許多代表咗美好生活嘅事物，希望人人都可以搵到屬於自己的美好生活。

＃Ｇ＆Ｇ創意社區

其實未入去睇展之前，會經過一個粉色嘅人造沙灘，大家買咗飛可以行落去影相，真係幾靚架～

隔離係一個小小嘅畫廊，展出各個藝術家嘅畫作。

＃霓虹燈打卡位

一入門口就會見到有幾個霓虹燈嘅空間，每一格都代表著唔同嘅生活態度，仲有坐椅比你打卡～

＃展區一　G&G社區的成長、經典電影欣賞

係度可以睇到G&G社區嘅一點一滴，見證佢由一間蛇口嘅玻璃廠，被法國建築藝術大師德尼斯·嵐明設計改造成為今日嘅藝術社區。呢度仲會係１００套經典電影入面，揀出２０套播放。

＃展區二　粉紅色沙漠　放上生活百態

基本上就係一個相片展覽，一個一個膠波入面都裝住一個回憶，可以是你、可以是我。唔少人都會係度打卡，將別人的回憶變成自己的記憶～呢度同樣亦有沙灘躺椅，但因為同樓下嘅燈光唔一樣，影出黎都有唔同嘅樣貌。

＃展區三　美好的生活

如果，美好嘅生活有千千萬萬種，呢度有100本好書，100首好歌，100件好物，100部好電影，都可以成為你美好生活中嘅一部分。

呢度有好多珍貴嘅典藉比你翻閱，大家睇之前記得戴上手套，小心輕手揭頁啊～

除咗書，仲有電影，睇住經典好戲嘅收藏，回味起每一套電影嘅經典場面，都係一種美好生活。

呢度仲有唔同品牌嘅專區，比大家認識唔同嘅品牌理念，了解更多品牌背後嘅創作靈感。

係度你可以一邊聽歌，一邊睇書，亦都可以係度留下隻字片語。

Good time in G&G時光展

展覽時間：2019.4.28—2019.6.20

展覽價格：¥６0/人

展覽地點：深圳蛇口荔園路9號G&G創意社區南區二樓展廳

展覽須知：①展覽禁止攜帶食品入內②小孩需由成人陪同入內③未滿12歲的兒童，禁止進入展區三