一份工好唔好,除左環境待遇之外,同事亦係一個好重要既因素!返工遇到好既同事,就算再多project都可以一齊捱過,甚至可以變成好朋友,但如果職場上出現以下惡頂同事,分分鐘增加你工作量之餘,亦飽受一肚氣,影響工作效率同心情。
#卸膊,不負責任
之前香港劇團「W創作社」2013年舞台劇其中一場《職場卸膊操》,當中既口訣真係深入民心,好似咩「我都係照你意思去做」、「上一手同事都係咁講」同埋「呢單嘢唔係我跟開」等等,相信大部份打工仔都有講過。如果有咩犯錯或者誤會都推卸俾人,絕對係超級乞人憎!
#Old Sea Food
Old Sea Food呢個名稱應該各位職場打工仔都好了解,呢類人永遠都覺得自己個套最好,最岩用,而其他人既建議就又廢又無用。除此之外,Old Sea Food多數都會擺出高高在上既姿態,自己永遠是對的,而且最鐘意「畀個機會你學嘢」,實情就自己HEA!
#每逢大Project就請假
一種人永遠都可以係公司最忙碌既時候置身事外,好似係年報、業績發佈會、或者其他大型project前就會話一早請左大假,去要旅行云云,唔可以擔任重要角色,令其他同事要做埋個份。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like