小編同攝哥哥都好鐘意食雞，一見到有新嘅雞菜式就會好想試，今次我地黎到黃大仙中心南館，傳聞入面有Chicken King，個名改到咁把炮，睇吓係唔係真係咁好食先！
我地到嘅時候係午飯時間，都等咗一陣子先有得入去，可見佢都幾受歡迎。見到佢地有午市套餐，有６款雞選擇，仲有其他豬肉菜式，都唔算貴。
我地今次就叫咗秘制去骨海南雞配油飯、炙燒海鹽雞配白飯同蒜辣雞中翼，雖然係繁忙時間，但好快就上菜啦！
秘制去骨海南雞配油飯真係超推薦，呢度嘅雞滑捋捋，皮下仲有啲啫喱狀物體，又嫩又滑又有鮮味。油飯小編自己覺得油飯味道可以再重啲，唔係好夠香，不過整體黎講因為個雞真心好食所以都有８０分！
但炙燒海鹽雞配白飯就唔太推薦啦，可能要好重口味嘅人先會喜歡，連平時口味偏重嘅攝哥哥都話覺得表面好咸，導致雞肉食落無乜味。
至於蒜辣雞中翼就中規中矩，其實真心唔錯不過就無超級特別嘅地方，雞肉都幾嫩，不過小編自己覺得偏咸，推薦比喜歡食重口味嘅朋友。
其實今次我地仲叫咗店內嘅特飲，但小編真心唔推薦，所以就唔著墨太多啦～如果你地都有為食情報想報料，記住話比小編知啊！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
This Week's Top Post
「舌尖上的懷舊粵菜」 去《萬慶軒》一同細味當年
Y小編 - 6 years ago
7月25日是日式刨冰の日！妳知道日式刨冰、韓式刨冰跟台式刨冰的分別在哪嗎？
Angela - 6 years ago
Ice Cream、Gelato 和 Sorbet 有什麼分別？搞懂了其實減肥吃一點也無大礙
Y小編 - 6 years ago
第26屆「全港廚師精英大匯演」 毛舜筠任關懷大使 籲全民關注有特殊需要兒童
Y小編 - 6 years ago
窮人食家遊深圳 足料紅荔村腸粉
Y小編 - 7 years ago
十字牌薑味、香蕉味Gelato全新登場 讓你冬日暖在心~
Little Peach - 5 years ago
