先前介紹咗一系列嘅日本動物Cafe，唔止貓貓狗狗，仲有刺蝟、蛇、熱帶魚、貓頭鷹甚至係鷹，海陸空三個願望一次滿足，梗有一間啱你心水！跟住編輯部橫行日本動物Cafe嘅同時，不如了解多啲有關收費同注意事項，玩都玩得開心啲！

#動物Cafe點收費？

Animal Cafe GO！日本動物Cafe圖鑑 可愛豆柴的昭和日記

收費種類其實同香港差唔多，有啲係按逗留時間收費，有啲係要order食物或者飲品。按逗留時間收費嘅話，通常一開始就要交第一節費用，完咗之後再睇情況可唔可以加鐘，人客比較多嘅話可能就要離開。

#同動物玩有咩注意事項？

Animal Cafe GO！日本動物Cafe圖鑑 萌爆水獺攬實你唔放

同動物互動主要可以分為睇、摸、抱同埋餵食，唔係間間Cafe都可以比你做齊4種互動，最緊要就係接觸動物之前要先消毒雙手，同埋一定要聽從工作人員指示，先至唔會整親小動物或者自己。

Animal Cafe GO！日本動物Cafe圖鑑 沙漠狐獴在名古屋

就算玩得興奮，亦要記住控制自己聲量，尤其係爸爸媽媽一定要睇住自己嘅小朋友，太細個嘅可能等佢大一啲再去動物Cafe會比較好。另外就係如果可以影相嘅話，都要記得關閉閃光燈，唔係隻隻動物都可以頂得順強光㗎！

#我想帶埋小朋友去動物Cafe，唔知得唔得呢？

Animal Cafe GO！日本動物Cafe圖鑑 愛麗絲的奇妙貓世界

通常動物Cafe都會歡迎家長帶小朋友嚟認識各種動物，不過小朋友玩到興起可能會尖叫，或者動作比較粗魯，甚至喺店入面跑嚟跑去，呢啲都係需要制止嘅行為。

Animal Cafe GO！日本動物Cafe圖鑑 鳥取縣踩入貓星人地盤

如果小朋友太細個，仲未識控制行為嘅話，可能就唔係咁適合，可以等大個啲再去。最重要係家長要陪喺小朋友身邊，教識佢哋正確同小動物相處嘅方法，小朋友亦可以學識點樣對另一條小生命負上責任。