最近小編知道淘大開咗間MOS Cafe，同平時嘅MOS Burger形象好唔一樣，好有日式感覺，等我帶大家一齊去試下啦！

今次我地就試咗呢個櫻花漢堡套餐＄61，有天丼珍珠堡、紫菜風味薯條同櫻花特飲。

天丼珍珠堡係珍珠入面混入一粒粒嘅藜麥，比想像中更好食，因為藜麥煮得剛剛好，同珍珠米好夾，加上海鮮雜菜天婦羅同巨型蝦天婦羅，真係好正啊～～一定會再返黎食！

櫻花特飲加咗櫻花、士多啤梨、牛奶同珍珠，感覺好似珍珠乳酪甘，好清爽好適合同炸物作搭配，珍珠都好有咬口。

小編最鐘意就係今次佢推出嘅紫菜風味薯條，真係好好食！粗薯條愛好姐必點啊！

另外我地仲叫咗個自選沙律，有好多選擇，大推雞肉、煙三文魚同蛋沙律！真係好好食！呢個沙律最特別就係佢會撒上ＳＵＰＥＲＦＯＯＤ合桃同藜麥，口感豐富之餘仲好健康，做ＬＵＮＣＨ或者下午茶都好好啊～

今次我地就飲咗冰凍野莓鮮奶咖啡同焦糖咖啡，估唔到MOS Cafe嘅咖啡都咁好飲！據了解原來MOS Cafe嘅熱咖啡係採用即磨咖啡豆，每個星期都會係店舖磨咖啡豆，唔怪之得甘香啦！而凍咖啡冰凍野莓鮮奶咖啡都唔錯，唔會好甜，野莓味同淡淡嘅咖啡味混合，女仔必點！

小編偷偷地話你知，現時只要買櫻花漢堡套餐，加轉以上系列特飲只要$5咋！真心值得一試！

MOS Café九龍灣淘大商場店

電話：2601 0808

地址：九龍灣牛頭角道77號淘大花園2期淘大商場地下G189號鋪

營業時間: 10:00～22:00