提到阿爾卑斯山美景,應該唔少朋友都會立即聯想到瑞士、奧地利、法國等等,但其實意大利多羅米提山脈Dolomiti,都隱藏住阿爾卑斯風嘅絕美風光!
#索拉比斯湖Lago di Sorapiss
索拉比斯湖海拔1923米,屬於高山湖泊。因為湖水中富含礦物質,佢嘅顏色就好似溝咗奶一樣,呈然美麗嘅奶綠色,雖然呢度只可以徒步到達,但仍然吸引唔少遊客打卡哦!
#布萊耶斯湖 Lago di Braies
同索拉比斯湖相反,同樣位於高山之中,位於海拔1496米嘅布萊耶斯湖,擁有如綠寶石一般嘅深邃色調,被網友封為「仙女湖」。係雪山嘅懷抱入面,散發幽雅寧靜嘅高貴氣息。湖邊間小木屋,唔少旅客都會係度休息,又或者坐係湖畔閒聊。繞著湖邊散步,只需要約1個小時。如果你有時間,春夏季仲可以係度泛舟,置身於阿爾卑斯嘅童話場景之中。
#密蘇里納湖 Lago di Misurina
密蘇里納湖又名「公主湖」,海拔1754米。被眾山擁抱嘅「公主湖」得名於一個傳說,國王 Sorapiss有一掌上明珠 Misurina,Sorapiss對Misurina寵愛有加,不惜與女巫交換條件,化為石山以換取魔鏡來取悅愛女,後來Misurina悔不當初,於Sorapiss腳下流淚不止,最終聚成了 Misurina 湖。 另外,因為優良的空氣條件和自然環境,密蘇里納湖成為了與瑞士達沃斯比肩的呼吸系統疾病療養地,係全歐洲僅有的兩處最佳療養地呢~~
#富納斯山谷 Val di Funes
富納斯山谷丘陵起伏,森林錯落,霧氣迷漫。背後聳立著蓋斯勒山峰,好似英勇的騎士一樣,守衛住阿爾卑斯鄉間嘅淨土。
#三尖峰 Tre Cime di Lavaredo
有人話三尖峰係“上帝遺留在阿爾卑斯山的後花園”,不少旅客都會登上三尖峰,只為一窺上帝的杰作,日頭嘅時候三尖峰嘅景色已經美不勝收,到夜晚見到銀河更令人有說不出的感動!
#波札諾Bolzano
波札諾係一個被山峰包圍、古色古香嘅意大利小城。佢係一個雙語城鎮,德文同意大利文都係當地官方語言。由於波札諾曾經係奧地利嘅領土,所以現今仍然保留了濃厚嘅奥地利特色。
多羅米提山脈仲有好多美景等住大家去發掘,有機會大家一定一定要去好好遊覽一番喔~~