復活節將至，有冇諗過一家大細去食個自助餐歡渡假期呢？香港九龍東皇冠假日酒店尚廚由4月1日至5月31日，推出全新「韓流搶鮮嚐」自助晚餐，匯聚來自韓國的必吃美食，比你可以試盡各種韓「瘋」味道！

呢個尚廚全新推出嘅「韓流搶鮮嚐」自助晚餐，網羅以下的頂級韓國美食，對韓迷而言，一定不能錯過！韓燒大行其道，逢星期六、日、公眾假期及前夕，廚師帶來評級最高，又稱「韓牛之王」嘅韓國橫城1++燒牛肉，口感特別軟嫩豐厚，肉香四溢。

即煎嘅香煎法國鴨肝，味道甘美豐腴，口感細緻幼滑；仲有湯味濃郁、雞肉嫩滑的韓式鮑魚人參雞湯，有助補脾益肺、滋補十足；韓式牛肉拌飯，以十多種新鮮材料包括韓牛、紅蘿蔔、大豆芽、菠菜、雞髀菇、本菇、白蘿蔔、木耳絲、蛋黃、泡菜、紫菜絲及白飯製成，加上韓式辣醬及芝麻，口感極為豐富；

韓式芝士焗龍蝦使用新鮮原隻龍蝦開半，鋪上超大份量車打芝士、水牛芝士及粟米，再放入焗爐烤至金黃色，肉汁鮮美、口感嫩滑﹔鬆脆的原隻炸軟殼蟹，加上新鮮生菜和韓式辣醬，製成微辣而開胃的韓式炸軟殼蟹沙律﹔

以原隻韓國扇貝，加上粟米、香草、牛油、車打芝士及水牛芝士，烤焗成香濃嫩滑的韓式牛油芝士烤扇貝。在每晚7時30分，廚師會敲鐘並同時端出濃白醇厚的韓式雪濃湯配花膠，選用特級牛骨，花上10小時以大火熬煮而製成的鲜美湯頭是精華所在，喝湯時每一口都盪漾著肉骨味，配合富含營養的花膠及紅棗，滋味無窮。

呢度每晚仲會供應六款海鮮，包括肥美飽滿的即開生蠔、松葉蟹腳、白蜆、紐西蘭青口、黃金螺肉同凍蝦，比大家大快朵頤。每晚均供應五款刺身，包括三文魚、吞拿魚、甜蝦、白鱲及八爪魚。

食自助餐梗係唔少得女士最愛嘅甜品，尚廚帶來多款韓式甜品，精緻造型超級IGABLE！有以意大利軟芝士、柚子皮及柚子蜜糖製成的韓國柚子芝士蛋糕，面層鋪上了糖漬柚子皮及金箔，口感香滑，酸甜可口﹔韓國梨子配杏仁蛋糕，用上杏仁粉代替麵粉去製作蛋糕，然後放上一層層新鮮香甜的韓國梨子及金箔，飄散著杏仁香氣，口感鬆軟﹔

韓國人蔘奶凍配梅子酒啫喱，將鮮奶及韓國人參一同慢煮，製成奶凍，再放上帶有淡淡梅子酒味的啫喱、韓國鮮人蔘及金箔，有營又美味。還有韓國草莓鮮忌廉蛋糕、即製的韓國草莓香檳雪葩及7款口味的Haagen Dazs雪糕等等，為自助餐增添無窮滋味。

最正嘅係，為慶祝復活節，於4月19日至22日，每兩位付全費之成人，可攜同一位12歲以下小童免費享用尚廚自助午餐、下午茶自助餐或自助晚餐。惠顧自助午餐之小朋友，更可免費參加糖皮裝飾小手工作坊，餐廳於下午1時至2時30分準備了小手工作坊，讓小朋友們「Fun」享復活節！所有小朋友可隨時參加，於甜品師傅指導下，一同DIY趣緻的糖皮裝飾，如兔子的耳朵、小腳板、甘筍等，然後放上迷你甘筍蛋糕，創作出獨一無二的復活節甜品。完成後小朋友可帶走專屬的蛋糕，並留下難忘的回憶。

唔好話小編唔同你講，由即日起至4月7日，於網上商店 http://bit.ly/TCT_eshop_Apr 預付4月份自助午餐、下午茶自助餐及自助晚餐可享7折，週末及公眾假期適用，限量發售，售完即止。

另外，４月生日嘅朋友，帶同三位或以上付費客人，於生日月份惠顧自助午餐或自助晚餐的客人可享半價優惠(以原價計算)及獲贈生日甜品碟乙客，同行的客人可享平日7折，假日8折優惠，不適用於5月12日，客人必須出示身份証明文件作實。

尚廚(The Chef’s Table) 「韓流搶鮮嚐」自助晚餐
日期：                   2019年4月1日至5月31日
時間：                   晚上6時30分至9時30分
地址：                   香港將軍澳唐德街3號香港九龍東皇冠假日酒店1樓(港鐵將軍澳站C出口)
網上商店:            http://bit.ly/TCT_eshop_Apr (售賣日期至4月7日)
訂座或查詢:         3983 0688