領展赤柱廣場係香港首個寵物友好商場，一直都為主人同寵物提供多元化服務，每年都會舉辦大型狗狗活動，鼓勵狗主與愛犬多加互動，珍惜共處時光。今年踏入第8年，赤柱廣場將以「犬」愛方程式為主題舉辦為期一個月狗狗主題活動，而3月23至31日兩個周末更會舉辦大型精彩活動，包括全港首個海邊狗狗相睇約會，比狗主與愛犬一同結伴尋覓真愛，結識更多毛孩朋友，而被遺棄嘅狗狗更有機會藉此搵到一個歸宿。

於保護遺棄動物協會嘅義工引領下，參加者可與待領養嘅毛孩來個極速約會。

非狗主或打算領養狗隻嘅朋友可透過「與狗同行」體驗與狗狗散步及不同養狗小貼士。

今次活動將聯同保護遺棄動物協會(SAA)舉辦「與狗同行」體驗，如果你正在考慮領養狗隻，就可以係度全面查察自己同犬隻嘅合拍度，兼可初嘗與狗同行嘅體驗。3月31日商場仲會有狗狗婚紗展覽暨婚紗設計比賽，狗主可為愛犬親自設計嫁衣，化身為「模特犬」走秀。同場更有狗狗婚展，為各狗主搜羅各種狗狗婚嫁流行情報。

以不同戀愛階段為主題嘅狗狗專用打卡位。愛犬可於「狗狗初戀露營基地」及「狗狗雙囍龍鳳被」等打卡位拍照及互動。

赤柱廣場將挑戰健力士世界紀錄TM榮譽「最長玻璃瓶串連字」，並將於3月24日邀請狗主為愛犬編寫情書，放進大會嘅「愛情玻璃瓶」中。

「狗狗攝影周遊樂」路線由專業攝影師Karen Yung 設計，嚴選赤柱十多個最適合與毛孩拍攝嘅位置，大家可與愛犬漫步兼享打卡之樂。

3月24日赤柱廣場將與一眾狗狗和狗主再度挑戰健力士世界紀錄™榮譽，參加者可以利用大會提供嘅物料自由創作屬於自己嘅「『愛情玻璃瓶』」再放入「給狗狗的情書」，以約73,000個玻璃瓶砌出「最長玻璃瓶串連字」。大家仲可以將呢個專屬回憶帶返屋企。此外，活動更設多個以戀愛為題嘅精彩大型狗狗專用打卡位、狗狗攝影懶人包同工作坊，包括：狗狗攝影周遊樂、愛狗教育工作坊、狗醫生工作坊、狗狗專屬用品暨婚展等。

本地婚紗設計師Bernadette Chan首次打造狗狗婚紗系列，讓狗狗也可和狗主披上同款嫁衣，創意十足。

場內嘅專業狗狗用品暨婚展，有不同派對造型嘅狗狗飾物及襯衫，特別訂製派對狗食物等。​​​​​​​

「愛狗教育工作坊」目嘅為兒童灌輸領養不棄養嘅正確觀念，學習與狗狗和平共處，並學會尊重和愛護動物。

「狗醫生工作坊」由Daniel Dog Training即場為狗隻評估其擔任狗醫生嘅潛質及特性，完成後可獲頒體驗證書。

由即日起至3月18日，市民可透過領展「泊食易」手機程式報名參加多項活動，任何愛狗人士均可免費報名參加。