平時工作忙碌，放工後又已經攰到唔想再郁，好難下定決心做運動減肥。自認惰性重，又希望可以成功瘦身嘅話，就可以試試下面3個「微動減肥法」！呢種方法係透過生活習慣、按摩，達至去水腫、瘦腿以及減去肚腩嘅效果！
#抬腳
想瘦腳嘅話，可以喺瞓覺前揾15分鐘於床上進行抬腿動作。瞓喺床上面，然後將雙腿抬早至呈現90度，每晚大約抬15至20分鐘就可以。如果想要進一步加強瘦腿效果嘅話，就可以將雙腿交疊並擺動。
#滾輪去水腫
想改善水腫問題嘅話，就可以揾瑜伽中常見嘅按摩滾輪幫手！喺瑜伽墊上嘅靠腳位置放上滾輪，然後喺上面做出平板支撐、側平板動作，同時亦可以用滾輪於水腫部位來回滾動，從而通淋巴、去水腫。
#腹式呼吸
相信做開瑜伽嘅話，對腹式呼吸絕對唔會陌生。呼吸時先以鼻子吸一大口氣，同時脹大肚子，就好似吹氣球一樣將空氣注入肚中，而呼氣時就減慢速度並將肚子收到最盡，長期進行就可以令腹部肌肉變得結實。
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
