女生當然係希望追求線條美嘅身型,但係到底要點先可以將肚腩趕走,練出腹肌呢?日本綜藝節目≪世界一受けたい授業≫就揾嚟健身達人松井薰,向觀眾教授「奇蹟5秒瘦腹運動」,只要5秒就可以練成腹肌!
唔少人都會利用仰臥起坐嚟鍛錬腹部肌肉,但唔係人人都可以堅持到長時間鍛鍊,而節目中所教授嘅「奇蹟5秒瘦腹運動」就啱哂無做開運動嘅懶人,就算唔做仰臥起坐亦都可以練到腹肌出嚟。
#5秒訓練腹直肌
1. 先將雙手握拳,放於背後,將尾指輕輕貼於頸後位置。
2. 將兩手手臂貼近耳朵,注意要將手肘抬高於雙耳。
3. 將其中一隻腳踏向前,站穩後以腳尖用力,以鼻吸氣並收緊腹直肌。
4. 用口慢慢地呼氣,向下彎曲身體,腹直肌用力維持5秒,然後用鼻吸氣,並回復到原本姿勢。
#5秒訓練腹斜肌
1. 重覆練腹直肌時嘅頭三個步驟。
2. 用口慢慢呼氣,向左右兩側輪流彎曲身體,腹斜肌用力,兩邊各維持5秒,用鼻吸氣後回復到原本嘅姿勢。
# 5秒訓練腹橫肌
1. 以雙手支撐起上半身,並維持半趴姿勢。
2.右手拇指、食指圍成圈狀,再以左手拇指、食指圈起右手。
3. 利用手、腳尖支撐起全身。
4. 腹部用力支撐起身體,至變成拱形。注意每次下降身體時要避免碰到地面,唔好過高或過低。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like