Homita - 開啟露營新境界!Glamping概念帶你輕鬆住進大自然
#蜜蜜SHOP
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


開啟露營新境界!Glamping概念帶你輕鬆住進大自然
歐 Europe & America  |  by Coco  |  2 years ago   

香港人平日工作忙碌,於空閒時間就會去郊外露營舒暢身心,親親大自然。近年,「Glamping 豪華露營」呢種模式由外國傳到亞洲,皆在於戶外生活體驗中,保留如入住度假村般嘅自在與舒適,更結合現代時尚與品味。Booking.com 作為全球線上訂房領導品牌,今次特以在147,000 個地點中嘅2,800 萬間住宿中嚴選出最佳豪華露營地點,俾你享受前所未有嘅野外生活樂趣。

法國-阿爾代什省:海拔 1,200 公尺的原始Glamping
推薦住宿:貝爾格里高原酒店位於阿爾代什山,呢家酒店於 1830 年時曾作羊舍用途,現時已全面翻新,但仍保留著以原木及石頭為主嘅建築風格。此酒店位於海拔高度有 1,200 公尺,為住客提供獨一無二嘅Glamping選擇。旅客可以選擇入住木製篷車、特殊外型嘅童話小木屋、芬蘭科塔小屋或圓頂帳篷,喺欣賞四周遼闊景觀嘅同時,亦享有最簡單、原始及寧靜嘅住宿體驗。

意大利-米拉諾:田野間的貴族享受
推薦住宿:格蘭平卡諾尼奇聖馬可旅館位處威尼斯潟湖與布倫塔河之間嘅恬靜鄉間,離威尼斯僅需25分鐘車程,呢度唔單只風景迷人,亦曾經係道奇與威尼斯貴族夏日度假嘅地方。旅館嘅每頂豪華帳篷都擁有獨特設計風格,帳內嘅豪華傢俱與裝飾都係由世界各地運來,豪華帳篷亦設私人洗手間、淋浴設備與免費盥洗用品。

肯亞-安博塞利:與野生動物當鄰居
推薦住宿:薩陶艾爾瑞豪華帳篷位處安博塞利國家公園外,係一個環保嘅遊獵露營區,雖然帳篷表面看似平平無奇,但內部卻設計豪華、應有盡有,透過室內設計及不同裝飾品讓住客深深感受到當地文化。旅客除咗喺帳篷內睇到壯觀嘅吉力馬札羅山,更可以企喺私人露台上飽覽安博塞利國家公園嘅平原景觀,讓你足不出戶都能輕鬆觀察大象、長頸鹿、斑馬等各種野生動物。

荷蘭-阿姆斯特丹東區:充滿未來感的房車旅程
推薦住宿:Camp Silver Island HideAway 露營車位在特賽爾島上,提供設備現代化房車住宿,設計還具有未來風格,最適合時尚嘅遊客們。特賽爾島嘅自然景觀遼闊且充滿變化,離北海海灘僅有15分鐘車程。露營車內設備齊全,每輛車均設有LED電視、有機盥洗用品、地熱系統與免費無線網絡,令住客儼如生活在都市般方便。

英國-牛津:繁華鬧市旁的人間淨土
推薦住宿:牛津河畔豪華帳篷位於泰晤士河旁嘅私人土地上,離牛津市中心僅6公里遠。每個鐘型帳篷內都設有雙人床、電熱暖氣、充電設備,更可以喺帳外利用營火堆體驗露營氣氛。旅客從住宿步行到達法穆爾水庫(Farmoor Reservoir),另外亦可於鄰近社區參與帆船、風帆與釣魚等戶外活動,係體驗寧靜閒適嘅鄉間之旅嘅最佳目的地。

澳洲-墨爾本:在市中心的摩登大廈上露營
推薦住宿:諾特爾度假屋,若想體驗豪華露營但又不捨城市嘅繁華,呢度就會係最好選擇!呢間度假屋位於墨爾本市中心一棟大樓嘅天台,想進入還需先找到隱藏式的秘密入口。客人入住嘅客房係一輛輛鍍鉻嘅流線型露營車,車長31呎,設有專屬露台、休息區與加大雙人床,另外附設私人洗手間,住客可免費使用盥洗用品與迷你吧。這間度假屋更有一些設按摩池嘅獨特露營車,等住客可以一邊享受SPA,一邊欣賞墨爾本嘅城市景觀。

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
Coco

Editor

睇劇睇書
You May Also Like
This Week's Top Post
「英國版迪士尼樂園」2024年完成!英國投資35億英鎊建歐洲區最大的主題樂園!
Yung - 1 year ago
在意大利旅行不能錯過的Gelato雪糕!
Yung - 2 years ago
倫敦地鐵車廂都轉季換新裝? 粉嫩糖果色系少女心滿滿~ 英倫維多利亞風 重現懷舊復古風光!
CASS - 2 years ago
穿梭童話書 中世紀童話風小鎮 德國羅騰堡
Little Peach - 2 years ago
土耳其小眾旅遊景點~
chiken - 2 years ago
美國《侏羅紀世界》設施開放 迅猛龍、三角龍就在你左右
Y小編 - 2 years ago