METARIDE，並於太古城中心舉行產品發佈會, 更邀得ASICS大中華區高級總裁暨中國董事長西脇剛史博士親身解構此革命性鞋款嘅專利科技，並邀請遠道而來嘅肯亞馬拉松運動員兼教練 Lukas Wambua Muteti，聯乘本地三個跑團啟動別開生面嘅訓練企画，一同見證METARIDE嘅破格科技。

全新METARIDE由ASICS位於日本神户嘅人體工學研究所（Institute of Sport Science）嘅科學家及設計團隊研發而成，集多項專利科技於一身， 有效為跑手帶嚟進階表現。

ASICS代表西脇剛史博士於發佈會上親身解構全新METARIDE嘅嶄新專利科技及設計理念:「METARIDE重新定義長跑。ASICS人體工學研究所的科學家和設計團隊研發全新GUIDESOLE技術，精準打造出鞋底的弧形曲線及前掌落地角度，推動跑手身驅向前傾，有效降低跑步時足踝能量消耗，以減輕腿部肌肉的負擔，減低跑手的受傷機率，延長跑步壽命。」

ASICS亦宣佈正式啟動「ASICS跑出自己訓練企画 - 肯亞式訓練篇」, 並邀請來自肯亞嘅專業馬拉松運動員兼教練 Lukas Wambua Muteti帶領三組本地跑團，包括ASICS Running Team、POW BOW及Weak Ends Here，合共12名成員，參與為期一個月嘅長跑訓練企劃，等跑手親身體驗METARIDE喺訓練、比賽、長跑以及復原上帶嚟嘅突破。

擁有多年馬拉松賽事經驗嘅Lukas表達對今次合作企劃嘅期望: 「感激ASICS提供一個難得的機會及良好的平台，讓我跟本地跑手交流跑步心得，宣揚肯亞的跑步文化及訓練模式。希望今次企劃結束後，每個跑手都可以發展出一套適合自己的訓練方式，跑出自己！」

今次企劃將設有不同難度嘅挑戰關卡，讓參與企劃嘅跑手激發出自己嘅潛能，得分最高嘅隊伍將會獲得於11月舉行嘅神戶馬拉松賽事名額及來回機票，跑出自己，跑出香港。