友情喺人生中佔據一個重要嘅席位，朋友與你同甘共苦、願意為你付出，無論喺快樂或係悲傷嘅時刻，都會喺身邊支持你。最近就有研究指出，每星期見朋友2次能夠提升身心健康，大家又通常會隔幾耐與閨蜜聚會呢？
今次嘅研究係由英國牛津大學進行，演化心理學博士Robin Dunbar指出，不論性別，擁有良好而強大嘅社交網絡能夠令身心健康有所改善。對於女士而言，與閨蜜相會時就有效令佢地嘅情緒平穩、身體狀況變好，而最佳嘅會面頻率就係一星期見兩次！
與閨蜜渡過嘅開心時光除咗可以令身心都有改善之外，亦會加快患病時嘅痊癒速度，並增強免疫系統，令你無咁容易生病。另外，平日工作積累嘅壓力亦會得到緩解，降低焦慮情緒。
所以無論平時有幾忙碌，大家都要抽出時間，好好地與閨蜜一聚呀！
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
