大家知唔知今年嘅Pantone 顏色係咩呢?就係活力滿滿嘅活珊瑚橘色啦，VDL今年都唔例外，推出活珊瑚橘色嘅Pantone系列，仲同Alibi餐廳推出期限限定下午茶，實行比你食得化得又玩得！

今次聯乘嘅「活珊瑚橘色」下午茶(HKD498/2位用)會係以英式下午餐聞名嘅Abili推出，由2019年3月7日至5月31日限量每日10套。內容包括有玫瑰茶紅菜頭馬卡龍、OBR牛肉他他配烤酸種麵包、雜莓朱古力唇膏同香桃芝士蛋糕等等。食下午茶同時都會拎到VDL嘅彩妝組合作為小禮物，內容有貝殼提亮妝前乳(清爽)12ml、專業霧面絲絨唇膏4色唇卡、Pantone電話托、VDL購物優惠卷，又食又拎真係好抵。頭100名客人仲可以額外得到多一枝專業霧面絲絨唇膏迷你裝添！

除此之外，Abili內亦設有打卡位同互動妝置，比大家了解更多VDL Pantone新系列嘅產品內容、仲有AR遊戲可以比你以AR試下邊隻妝容最襯自己！亦都可以化返個靚妝係度打卡，和暖嘅活珊瑚橘色真係好有生機嘅感覺啊！

另外，ＶＤＬ亦會係３月１６日至４月７日派出VDL Coloring Hong Kong流動活動車，一邊派糖、一邊比大家試妝上臉。仲有Try on the Color Challenge，只要上網玩完遊戲就可以去VDL專櫃換取試用包，大家記住上佢地網站玩啦！