唔少都市人都有難以入眠嘅問題，攤喺床上一兩個鐘，然後先能夠正式進入夢鄉已經係平常事。喺對比之下，輕易入睡就被視為健康嘅象徵，但「一秒入睡」並無大家想象中咁美好，更有可能係身體所發出嘅警示！
對於睡眠充足嘅人嚟講，由關燈去到真正入眠大概需要15分鐘，因為身體需要時間去調整至入眠嘅狀態，從而引起眼瞓感覺，令人進而成功進入睡夢當中。所以「一秒入睡」有可能係反映緊睡眠不足嘅問題，呢種情況有可能係由捱夜、身體過於疲累引起，對健康而言並唔係一件好事呀。
一般嚟講，平均每日入睡所需時間少於8分鐘嘅話，就會被判為唔尋常嘅睡意。假如每日都出現秒速入睡嘅情況，就有可能係慢性睡眠不足症喺度作怪。大家可以留意一下自己嘅就寢時間，如果係比平日更早瞓覺，都依然可以極速瞓着嘅話，好大機會就係身體反映緊唔夠瞓嘅問題啦。
長時期嘅睡眠不足有可能導致認知能力低下、增加壓力，並對身心都造成負擔。所以能夠輕易入睡唔一定係一件好事，大家唔好掉以輕心，要留意返自己每日有無充足嘅睡眠呀！
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
