Homita - 主打「不能燒的燒肉」? YAKINIKU GREAT分店SOHO區開幕
#蜜蜜SHOP
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


主打「不能燒的燒肉」? YAKINIKU GREAT分店SOHO區開幕
吃 Dining  |  by Coco  |  2 years ago   

日式燒肉潮流於香港長盛不衰,素來「食得招積」嘅香港人對肉嘅追求更係愈趨講究。高級黑毛和牛燒肉專門店 YAKINIKU GREAT嘅第2間分店於3月1日於中環SOHO區盛大開幕。

YAKINIKU GREAT屬香港有名嘅頂尖日式燒肉專門店,今次新店將再下一城,主打「不能燒的燒肉」! 此嶄新概念旨在為所有食客提供專人燒肉服務,希望來場客人都能夠品嚐到燒肉嘅美味巔峰! 為客人燒肉嘅店員都係當之無愧嘅「燒肉達人」,佢地都由擁有豐富燒肉技巧嘅日藉老闆津川勝治直接指導,更會定期到日本進行研修,因此能夠準確掌控肉類不同部位嘅火喉。

YAKINIKU GREAT對自家出品的燒肉要求極高,更令人欽佩的是其「燒肉魂」嘅待客之道與執著! 客人下單後,主廚會先為佢地推介一款清爽又易入口嘅有汽酒,清清喉嚨過後更有效提升味蕾嘅敏銳度,令人加倍期待接下來嘅主菜──燒肉! YAKINIKU GREAT嘅「OMAKASE」套餐內容都係由經驗老到嘅主廚精挑細選,各和牛部位嘅燒肉都會配以特定嘅自家製醬汁以突出其鮮味。


為咗令食客能夠品嚐到最鮮嫩嘅和牛,店家每星期都會入貨2至3次,以真空方法空運到港,並堅持即切即燒,確保其原汁原味! 上菜前店員均會耐心介紹,且每次最多只會呈上2個和牛部位,厚切肉與薄切肉相互交替,燒完一道再一道,保證其烹調溫度與時間均是剛剛好! 

與此同時,主廚亦會再次向客人推介與不同和牛部位配搭得宜嘅各款紅、白酒,令燒肉嘅味道層次再昇華! 當品嚐過所有主菜,還覺意猶未盡? 客人可於最後一道冷品選擇甜點或冷麵,飽滯感頓時一掃而空,為呢場「燒肉盛會」劃上完美句點。 YAKINIKU GREAT無論於食材或係服務都一絲不苟,務求所有顧客都能夠擁有賓至如歸嘅感覺,實在唔係一般燒肉店所能媲美!

另外,餐廳亦將露台位置打造成BAR CORNER,供客人到室外邊喝酒邊談心,完全沒有侷促感! 不得不提,餐廳內設有衣櫥,燒肉過後仲有「下場」嘅朋友,亦無須擔心大衣會沾染上燒肉嘅味道,盡顯日本人細心、待客至上嘅精神。

新店嘅「OMAKASE」套餐分為3款,當中最豐富嘅「FULL OMAKASE“KIWAMI「極」”」,不但有主廚推薦的8款特選牛部位,更包含2款前菜及甜品(選配冷麵亦可),種類之多叫人驚嘆! 套餐中嘅特選和牛部位以YAKINIKU GREAT嘅招牌稀少部位「三筋(Misuji)」為首,其餘則會選出當時入口食材中最鮮美嘅部位。「OMAKASE」套餐中嘅和牛部位都係出自脂肪較少嘅紅肉,但配上餐廳自家製嘅土佐醋及燒肉醬料,味道就比佈滿雪花嘅部位有過之而無不及,完全符合愈來愈注重健康嘅港人口味! 


YAKINIKU GREAT身為燒肉界王者,對紅肉嘅燒法及食法素來有研究,今次為新店全新研發嘅燒肉食法「KIMURA YAKI 2」與紅肉可謂絕配! 「KIMURA YAKI 2」以主廚木村康洋先生名字命名,係固有「KIMURA YAKI」嘅升級版,有別於以前會先以燒肉醬汁調味,今次就會喺燒肉時淋上特製醬汁,令肉於燒烤過程中快速吸收醬汁嘅味道,最後沾上蛋汁,成就無比鮮味! 近年,「肉X 高級食材」都係日本流行嘅燒肉趨勢,YAKINIKU GREAT特意將套餐中稀有部位「Chateaubriand」配以新鮮海膽,令其美味提升至極致,叫人一試難忘!  燒肉當然離不開美酒,餐廳共提供5款紅、白酒,全都日式酒吧「Nocturn」所重點推介,與YAKINIKU GREAT的燒肉可以話係「天作之合」! 

YAKINIKU GREAT SOHO
地點: 中環砵甸乍街45號LOWER H CODE1樓
電話: 2758 8688

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
Coco

Editor

睇劇睇書
You May Also Like
This Week's Top Post
日式串燒店Yakitori Birdie 空降中環 原始日式風味的雞串燒
Y小編 - 1 year ago
窮人食家 J.CO 好吃不貴的冬甩Cafe
Y小編 - 2 years ago
主打「不能燒的燒肉」? YAKINIKU GREAT分店SOHO區開幕
Coco - 2 years ago
小白條手工粉首推「三重芝士煲仔粉麵」及「黃金炸魚皮」
Angel - 3 days ago
窮人食家 荃灣老字號山西刀削麵皇
Y小編 - 3 years ago
九十後良心青年主理 旺角90s LAZY 薯條真的超好吃!
Y小編 - 1 year ago