提到春天，大家嘅腦海中會浮現啲咩景象呢？小編就幻想到繁花盛放、小動物四處活潑奔走嘅場景！創於日本神戶嘅糕點店ANTENOR アンテノール由3月1日起，推出以「春日兔子」、「櫻花」、「草莓」為概念嘅春日蛋糕，採用嘅元素完全符合小編心目中嘅春天！

春うさぎのレアチーズ
價格：648円 (連稅)
販賣時間：３月１日～４月３０日
馬期卡彭芝士慕絲入口即溶，而內裏就包住酸甜嘅草莓慕絲。蛋糕上面綴以白朱古力慕絲雪球，再插上粉色朱古力去模仿兔仔嘅耳朵，造型簡單得嚟又帶有兔仔嘅調皮感~

さくらのモンブラン
價格：594円(連稅)
販賣時間：３月１日～４月14日
櫻花餡料充滿優雅香氣，配上草莓果醬、香濃忌廉而製成粉色泡沬蛋糕。最頂就用咗櫻花啫喱與花乾作裝飾，充滿櫻花氣息。

苺のショコラブラン
價格：605円(連稅)
販賣時間：３月１日～４月30日
酸香嘅草莓慕絲、白朱古力慕絲、香氣彌蔓嘅開心果蛋糕配搭完美，尤其係草莓嘅酸味同白朱古力嘅奶香搭配得宜，令蛋糕味道層次更加豐富！

春色デコレーション
價格：直徑 11.5cm  2,268円　/　14.5cm  3,240円(連稅)
販賣時間：３月4日～４月30日
呢款蛋糕係特意為將要入學、畢業嘅人士而設，當然亦都可以用嚟慶祝春天嘅到來。蛋糕中用咗草莓、白桃，再喺表面以草莓汁製成嘅忌廉、原粒草莓作裝飾，造型華麗！

販賣店舖： 全國ANTENORアンテノール 42店鋪