平時返工已經好大壓力，有時返到屋企見到碗又未洗、地又未掃真係好燥！但原來洗碗都可以釋放壓力同情緒，有研究發現洗碗有助令情緒穩定，從而達到減壓效果。
根據美國佛羅里達州立大學一項研究，將51位學生分成兩組去洗碗。洗碗之前，其中一組只有簡單嘅洗碗指示，另外一組則就講述洗碗如何有助消除焦慮。
結果顯示，當洗碗嘅人專注於聞香皂，感受水溫同觸摸菜餚既時候，佢地嘅靈感會提高25%，同時緊張程度都會減低27%。
到底點解洗碗都可以減壓呢？因為洗碗時唔帶手套，手部就會接觸到水，可以活化副交感神經，令到人體放鬆。而且聽到流水聲大腦就會有錯覺，以為自己置身係大自然中，自律神經起伏會變得有規律，情緒就能夠穩定。
而且洗碗係一個簡單又有重複性、規律嘅動作，當人類重複呢啲行為既時候，脈搏、心跳同呼吸都有同樣既節奏感，壓力荷爾蒙濃度就會減少，達到放鬆的效果。
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
