平日出外消遣又點少得唱K呢？大家一得閒都鐘意約埋三五知己到K房大展歌喉。其實唱歌不但係令人心情舒暢，更有助消耗大量卡路里，對減重有好大幫助！各位以後想瘦身就唔洗搏老命跑步，唱多啲歌就得啦。
日本福田醫院就曾經做過實驗，邀請3位女士各唱5首歌。唱完之後，3 人嘅脂肪值都下降，其中兩人嘅下降幅度更係多達一半！研究亦發現唱一首歌所消耗嘅氧氣量相等於跑100米時嘅消耗，證明唱歌真係有減肥效果咖！當然，唱嘅時候必需站立，並配合腹式呼吸法，運用腹部肌肉去幫手燃燒脂肪。
其實唱歌可以增強抵抗力咖！美國加州大學研究發現，唱詩班喺排練完結後，成員們體內嘅IgA免疫球蛋白含量會增加，強化免疫系統，能夠更好地防御及抵抗病菌。所以得閒就去唱多啲K，令自己變瘦同時變得更強壯啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
