麵包係繁忙都市人嘅早餐首選，你又有無諗過，一個平平無奇嘅麵包，係師傅嘅用心同巧手之下，都可以變成神級美味！仲去埋日本橫濱嘅「麵包祭2019春」添！今日就等小編介紹下「麵包祭2019春」嘅參展商啦！

#    ブーランジェリー タテルヨシノ プリュス

(ジビエのブリオッシュ包み)

    來自東京汐留嘅麵包店ブーランジェリー タテルヨシノ プリュス將會用鹿、鴨同雞肉、肝，加上黑松露，配上牛油同特製醬料，焗成名為「ジビエのブリオッシュ包み」嘅「麵包祭2019春」限定麵包。如果想一嚐究極美味，就一定唔可以錯過一日只有十個嘅「ジビエのブリオッシュ包み」！

#    塩パン屋パン・メゾン

(塩メロンパン)

    塩パン屋パン・メゾン曾經因為「一日賣出6000個包」而成為熱話！一般咸麵包都會使用普通食鹽，好一啲會使用海鹽去製作，但岩鹽麵包你又有無食過？塩パン屋パン・メゾン係「麵包祭2019春」為你呈獻兩款岩鹽麵包：岩鹽牛油包（塩パン）同岩鹽菠蘿包（塩メロンパン），帶你感受岩鹽同麵包結合出嘅美味！

#    パン香房ベル・フルール

(契約農家のとちおとめ 高原ジャージーver.)

    パン香房ベル・フルール因全無添加而成名。來自意大利嘅面包師傅，採用當地嘅食材，為「麵包祭2019春」帶嚟限定麵包—「契約農家のとちおとめ 高原ジャージーver.」！
パン香房ベル・フルール嘅師傅採用契約農家嘅士多啤梨，再加上新鮮牛奶，製作成酸中帶甜，且富有奶味嘅麵包。

「麵包祭2019春」又點會得咁少麵包呢？再慢慢介紹嘅話，分分鐘講到2046都未講完！想食唔同種類嘅特色麵包，就一定唔可以錯過日本橫濱嘅「麵包祭2019春」，食盡全日麵包！

「麵包祭2019春」
日期及時間：
3月1日　11:00～19:00
3月2日　11:00～19:00
3月3日　11:00～17:00
麵包店空間為每日17：00前

會場：横濱赤レンガ倉庫イベント広場

費用：
（入場）免費
（麵包店空間）
優先入場　11：00～13：30　 500円（税込）
一般入場　14：00～17：00　免費
※再次入場免費
※小學生以下免費