「歡迎蒞臨迪士尼世界！」今年，係東京迪士尼嘅35週年。係迪士尼嘅世界入面，一切都充滿夢想，而且會將「不可能」化為可能，絕對係所有人嘅幻想世界！適逢今年係東京迪士尼嘅35歲生日，就請大家用最大嘅笑容，參加「東京迪士尼35週年 Happiest Celebration」，感受迪士尼世界帶比你嘅最大快樂！

#    夢想與魔法王國的音樂之旅

(tokyodisneyresort.jp)

    每個地方嘅迪士尼都有一座聚集大家嘅夢想，加上魔法建成嘅城堡。東京迪士尼嘅灰姑娘城堡，就係集合咗大家對灰姑娘嘅憧憬而建成。「東京迪士尼35週年 Happiest Celebration」將會為大家帶嚟夢想與魔法王國嘅音樂之旅，係夜空間綻放色彩鮮豔嘅煙花，並由米奇老鼠係灰姑娘城入面指揮音樂嘅節奏，城堡亦會隨音樂改變顏色。係依個宏偉而又華麗嘅城堡附近，以音樂嘅魔法同夢幻嘅色彩，展開「東京迪士尼35週年 Happiest Celebration」嘅第一頁！

#    市鎮大街中的Celebration Tower

(tokyodisneyresort.jp)

    一行入去充滿美國風情嘅市鎮大街，入面嘅佈置總對會令你震撼！為咗慶祝東京迪士尼35歲生日，係市鎮大街當中起咗個名為「Celebration Tower」嘅10米紀念碑「Celebration Tower」，並且有9個著住週年慶服裝嘅米奇老鼠影像。係夜晚，市鎮大街嘅店鋪外場仲可以欣賞到迪士尼影象，配合「音樂之旅」嘅演出，體驗被夢想同魔法包圍嘅市填大街。

#    35週年限定餐飲

(tokyodisneyresort.jp)

    「生日快樂！」話哂生日，點少得生日蛋糕？迪士尼誠意準備「Special Cake」，以士多啤梨同迪士尼嘅經典角色—米奇老鼠為題，加上寫住「Happiest Celebration」嘅朱古力牌，做成東京迪士尼35歲嘅生日蛋糕。除咗蛋糕之外，仲有其他週年限定嘅食品同飲品。唔單止咁，連35週年限定嘅餐具都有，就請大家係濃厚嘅生日氣氛下，係迪士尼世界同你身邊嘅人共進早午晚餐！

#    住在35週年的迪士尼世界

(tokyodisneyresort.jp)

    住係迪士尼酒店入面，除咗可以化身做公主或者王子之外，「東京迪士尼35週年 Happiest Celebration」更加令你有特別嘅體驗。首先，迪士尼酒店準備咗35週年限定嘅房間設施。其次，你可以使用以「迪士尼35週年」為題而設嘅房卡。最後，你可以得到一份由迪士尼送出嘅「東京迪士尼35週年 Happiest Celebration」水樽一個。

    今年，係東京迪士尼嘅35歲生日，誠邀大家蒞臨「迪士尼世界（東京分部）」，用最大嘅笑容同壽星「園」講聲「生日快樂」，感受迪士尼世界帶嚟嘅無限歡樂！

「東京迪士尼35週年 Happiest Celebration」

日期：2019年1月11日至4月25日
地點：東京迪士尼