多啦A夢(叮噹)伴隨住幾代人成長,要講所有人嘅童年回憶,一定非佢莫屬!今年,多啦A夢繼續係大銀幕同大家見面!
全新嘅多啦A夢大電影—「大雄的月面探測記」將於3月1號係日本上映。電影由辻村深月著作,並由八鍬新之介監督。內容講述大雄同多啦A夢等人,加上轉校生路卡,去月球探險,探索月球不為人知嘅一面。
(多啦A夢大電影—「大雄的月面探測記」預告截圖)
為咗紀念多啦A夢大電影上映,東京Sunshine City將會舉行「多啦A夢大電影—大雄的月面探測記公開紀念活動」,等大家同多啦A夢一齊登陸月球!
# 解開月球的奧秘!
(sunshinecity.co.jp)
係Sunshine 60展望台到,戴上多啦A夢嘅道具「傳說俱樂部會員襟章」,成為「月球另一面」嘅主義者,同多啦A夢等人一齊解開宇宙嘅奧秘,揭開月球另一面嘅神秘面紗,欣賞「輝夜姬」嘅故事。
# 體驗電影中的世界!
(sunshinecity.co.jp)
係3月23、24、30同31號,多啦A夢將會出現係Sunshine噴水廣場同大家見面,同大家一齊探索月球,體驗電影中嘅世界!作為陪伴多啦A夢成長嘅你,又點可以錯過依個機會,係現實世界中同多啦A夢見面?
除咗上面所講嘅之外,「多啦A夢大電影—大雄的月面探測記公開紀念活動」仲有好多野等住你嚟玩!想知有咩得意野玩,就一定要親臨Sunshine City,參加「多啦A夢大電影—大雄的月球探險記公開紀念活動」,重拾童年回憶!
「多啦A夢大電影—大雄的月面探測記公開紀念活動」
日期:2019年2月15日至4月7日
地點:東京豊島區東池袋 3 -1-1, Sunshine City