歌仔都有得唱，「其實自己一個更開心，只等你講...」今年既新年同情人節非常接近，過完新年，眨下眼又好想黎到情人節黎。呢個節日絕對同聖誕節、平安夜、倒數一樣咁難捱，各位單身既朋友諗好到時點渡過未？

＃單身派對

放心啦，我相信你絕對唔係孤單一人。如果你唔想自己一個人渡過情人節咁落寞既話，可以約埋一班朋友一齊食飯、唱K、打牌開Party！就算無情人，但我地有權利熱熱鬧鬧過情人節！一於約埋成班單身朋友，開返個single party，有得玩、又可以聯誼下，話唔定可以創造下次戀愛機會呢～

＃做自己喜歡的事

情人節其實都係商人鼓吹消費既日子，既然我地單身可以慳返一筆食飯錢、禮物錢、送花錢，不如將呢啲金錢花係自己身上，除咗係投資自己身上，亦算係獎勵自己一直以來咁辛苦努力工作、生活呢！女生們可以約定個fical、spa、約姊妹去shopping；而男仔就可以去happy hour, 打FIFA, 睇波！老土講句，愛人之前先愛自己！

＃遠離Social media

係呢啲大時大節遠離social media是常識吧！每逢呢啲「屬於」情侶們既節日，打卡放閃就必備既活動之一，燭光晚餐、甜蜜錫錫相、收花、送豪禮乜乜乜，總之一定會有幾張影可以觸動到你既神經，為免觸景傷情，最好可以避免上咁多社交網站啦！