池村玲子係來自日本嘅藝術家。係80年代，池村玲子以佢嘅藝術品係德國活躍。透過觀賞池村玲子嘅藝術作品，你可以感受佢獨到嘅創作藝術，體會無限可能性。可惜嘅係，你已經無機會睇到。講笑！不過錯過咗「池村玲子 土與星 Our Planet」嘅展覽之後，就唔知幾時先有得睇。

#    有史以來最大規模嘅藝術展

(nact.jp)

    今次嘅展覽有成2000平方米大，係室內展館同室外場地都放滿池村玲子嘅作品，包括：水彩、版畫、雕刻、素描等210個作品，而且仲有充滿文學感嘅詩句，絕對係東京國立新美術館有史以來最大規模嘅一次展覽！

#    池村玲子初期作品展示

(nact.jp)

    池村玲子係1973年去咗西班牙嘅塞維亞大學修讀美術，並係1979年移民瑞士，成為現代藝術家。今次展覽，特別展示由瑞士運嚟，池村玲子初期嘅40幅素描。每一幅畫作都可以體現出現代藝術感，透過留意每一階段嘅作品變化，你仲可以睇到池村玲子嘅藝術家成長路。

#    池村玲子新作展覽

(nact.jp)

    近年，池村玲子嘅畫作巨大化，並且將人同動物嘅姿態融合於山水畫，創作出全新畫作—《海浪之春》。《海浪之春》除咗歌頌生命誠可貴之外，仲用咗明亮嘅暖色調繪畫，等大家可以係廣闊嘅空間，由身﹒心體驗春天嘅暖意。

#    「幻視」連鎖畫作

(nact.jp)

    透過連鎖畫作，池村玲子嘅作品一幅幅咁逐漸變化，刺激參加者嘅精神裝態，形成「幻視」嘅效果。由於唔同人嘅神經觸覺都會有唔同，所見到嘅變化亦都會唔同。大家不妨入場感受一下「池村玲子 土與星 Our Planet」嘅連鎖畫作，探索只有自己先可以「睇」到嘅幻覺。
    池村玲子嘅作品非常珍貴，一般大眾難以接觸，但全靠東京國立新美術館舉辦「池村玲子 土與星 Our Planet」，我哋先有機會欣賞池村玲子嘅作品，而且新舊作品融合，更加可以體會藝術家嘅成長史，絕對係人生必去展覽之一！

「池村玲子 土與星 Our Planet」

日期：2019年1月18至4月1日 (逢星期二休息)
時間：10：00至18：00 (星期五、六至20：00，最後入場時間為閉館前30分鐘)
費用：1,000円 (一般入場人士)、500円 (大學生)
地址：國立新美術館 企畫展示室1E
    (東京都港區六本木7-22-2)