農曆新年就到，,飲飲食食之餘，亦都要入手買節慶禮物，為新年添新意賀新春。唔少商家都會趁農曆新年，設計賀年精品，結合「新舊」贏得唔少市民嘅歡心。香港設計師係依一方面就更加「計仔」多多，香港出口商會每年嘅【香港智營設計大賞】都吸引到一班本地設 計高手過招，設計既好玩又實用嘅節慶禮品，為新年添新意！

#    Journey to Happiness 悅·曆

(Journey to Happiness 悅·曆)

新一年就要用新嘅行事曆！色彩繽紛嘅行事曆，除咗幫助你規劃未來之外，仲令你未來一年嘅生活都充滿活力！Journey to Happiness 悅·曆以「設計思維」嘅概念宣揚設計嘅重要，月曆中嘅12個月份形成一條故事線，帶出設計步驟嘅爆發力，多樣色彩仲為行事曆增添趣味。唔單止咁，月曆仲用咗多種唔同嘅物料整，而且仲有不少別出心裁的機關同信息，驚喜十足！

#    立體揮春— 打工篇

(立體揮春/google圖片)

    新年一定唔少得貼揮春，立體揮春一改以往嘅傳統，用生動嘅廣東話寫祝福語，同時加入了輕鬆可愛的3D插畫做點綴。當中嘅打工篇仲充分體現上班一族嘅心願，例如「放假有糧出」同「瞓到自然醒」，引起共鳴，啱哂一班打工仔同新婚夫婦。

#    葡萄酒充氣器— “Wine Aerator” 

(“Wine Aerator”)

    新年要盡興，當然唔少得開支紅酒嚟飲。依個葡萄酒充氣器可以加速紅酒嘅呼吸過程，提高口 感。Wine Aerator” 側面有兩個氣孔，可以係倒洒嘅時比啲氧氣流入酒入面。而且產品嘅設計線條同形狀都非常之符合人體工學，新年招呼親朋戚友嘅必備佳品！

#    新年送禮佳品 —藝遊四方城

(藝遊四方城)

    趁住新年人齊，大家就會圍埋一齊打牌。「打麻雀」係華人傳統玩樂遊戲，但香港上一代嘅手雕麻雀工藝漸漸消失。為咗保留傳統，插畫師Karen Aruba將手雕麻雀同香港風貌結合，以數碼打印技術，創造出一系列以推廣香港旅遊文化為主嘅擺設，係新年嘅送禮首選！

    香港咁多「本地薑」設計師，作為香港人嘅你就緊係要支持啦！除咗入手「本地薑」所製作嘅精品之外，你仲可以參加「香港智營設計大賞2019」，將你自家研發、自家設計嘅產品帶入市場，有機會衝出國際，去國外參展。

「香港智營設計大賞2019」
報名日期 即日起至2019年2月22日 
預早報名優惠截止日期 2019年1月25日 
一般報名截止日期 2019年2月15日 
最終大賞報名截止日期 2019年2月22日 
評審日 2019年3月