作為專業級嘅顏色界權威，Pantone每年嚴選不同顏色作為年度代表，喺世界各地亦具一定嘅影響力。今年，踏入VDL與Pantone合作嘅第五個年頭，一於大玩活力嘅活珊瑚橘色！溫暖嘅橘色調彩妝產品將會成為你新一年不可或缺嘅重點彩妝產品。

2019年限定話題作 VDL活珊瑚橘色調彩妝
活珊瑚橘色予人一種舒適，溫暖嘅感覺，全新2019 VDL x Pantone系列涵蓋多款彩妝產品，以金黃橘色為基調，令溫暖嘅橘色調更突出。系列共推出三款面部底妝產品，簡單三步曲瞬間打造無瑕持久嘅橘色調底妝。妝前乳一向係品牌嘅皇牌產品，自面世以嚟深受用家歡迎。

新推出嘅Velvet Blur Primer質感光滑乾爽，能重點遮蓋毛孔、消除油光，打造透亮活力肌膚，並長效不掉妝。

而Primer Miniature Kit則同時提供四款顏色迷你妝前乳，適合不同妝容需要及締造不一樣效果。做好底妝嘅功夫已經係成功嘅一半！

之後，可使用Expert Tone-Up Cushion嚟均勻膚色，打造更亮麗妝感。產品同時提供SPF20防曬，亮白，撫平皺紋三重功效。要打造活珊瑚橘色嘅妝容，當然唔少得胭脂！

系列新推出嘅Expert Color Liquid Cheek提供三種色調供選擇，全部均為2019年大熱嘅活珊瑚橘色系！產品為液體狀，能營造出水潤透明嘅自然妝感，並且容易控制，即使手上無化妝工具亦能輕鬆上妝。

眼唇部為妝容靈魂 重點打亮令珊瑚妝感更突出

眼妝及唇妝能突出整個妝容嘅主題，本年度VDL x Pantone 2019 系列推出一盒共12色嘅Expert Color Eye Book！當中包括多款本年度最流行嘅大熱色彩，輕鬆打造奪目珊瑚妝容。為咗方便用家，眼影套裝內附有可用作為打亮及修飾輪廓嘅顏色，一應俱全。

另外，用家也可於化上眼妝前先用上Expert Color Primer For Eyes打底液作打底，令眼妝更持久及維持眼週肌膚嘅彈力。

唇部妝容係成個妝容嘅最後步驟，往往亦係最重要嘅一環。系列嘅Expert Color Real Fit Velvet唇膏主打珊瑚色調嘅唇膏色，配合今年依舊大熱嘅絲絨質感，瞬間令整個妝容嘅流行感double up! 

最後，可用上Expert Radiance Fix Mist作定妝， 令你嘅迷人珊瑚妝容能維持一整天不脱妝，並有效地讓肌膚保持滋潤，長效保持最佳狀態。
推出日期: 2019年2月15日