很多男女因為愛慘變成工具人，努力到最後都仲係唔可以榮升將軍/女神！究竟訪啲星座咁睇唔開呢？縱你虐我千百遍，我仍待你如初戀！5大「M型」工具人星座

5. 水瓶座

隨和嘅水瓶座，以慷慨而聞名，討厭計較，就算唔係有錢，只要能力許可，間唔中都係會請朋友食飯，致力令賓主盡歡。不過都因為咁，水瓶成日都被朋友當水魚，最後先發現邊個係知己、邊個係搵著數。

4. 天秤座

同樣唔喜歡斤斤計較嘅天秤座，都成日陷入工具人危機，因為無論面對愛人定係朋友，佢地都很鐘意為對方搵藉口，認為千錯萬錯都係自己無講清楚或者唔識得拒絕人地。總之，天秤一遇到對佢地黎講好重要嘅人，就會傾盡所有，就算吃力不討好，佢地都會覺得心甘命抵。

3. 獅子座

其實可以被獅子座寵愛非常幸福，雖然平時佢睇上去一付高傲嘅樣，但只要佢打從心底認定你，就會將你當成國王、皇后一般寵愛、服侍，致力令你成為「配得上」佢地嘅人。不過獅子清醒得算快，只要感覺「獵物」無希望，或者出現新「獵物」，佢地盲會說走就走、全身而退，唔會長期服兵役。

2. 金牛座

雖然金牛座好務實，討厭「不等值交換」，但只要陷入對方嘅愛情泥沼，佢地就會成為最賣力、任人差遣嘅忠僕，係最全能嘅兵種。更誇張嘅係，金牛付出係唔需要回報，只要偶爾獲得小小嘅軍糧，就足以令佢地繼續搞曖昧、繼續全身投入兵役。

1. 射手座

射手好樂觀，做左工具人自己都唔知，一日到黑討好喜歡嘅人。所以有好多人都唔明白，射手明明都非常有個人魅力，點解成日會淪為備胎，被愛情糟蹋。不過射手愛情觀確實奇怪，佢地非常在意自己嘅想法不被愛人接受，但又唔會問人地真正想要啲咩，所以只有不斷付出，吃力不討好。