上一篇就介紹左《惡作劇之吻》嘅拍攝地啦，咁又點少得《惡作劇２吻》呢？

其實最常出現既場境係愛的小屋，但係拍攝場地係私人住宅，加上警衛深嚴，相信大家都係唔好硬闖啦！等我介紹Ｄ更加值得大家去既拍攝地啦！拎紙筆出尼drop低啦！

一、美麗華摩天輪

直樹同湘琴第一次過結婚周年紀念嘅地方，倆小口逃離江媽精心計劃嘅結婚週年派對，其實就係直樹靜雞雞計劃既二人世界，係摩天輪入面度過左平凡又浪漫既一晚。即使係單身既你都可以同朋友一齊上摩天輪度欣賞一吓台北夜景嫁！

地址:台灣台北市中山區敬業三路20號 (捷運文湖綫劍南路站)

票價: 平日: NT150元 假日:NT200元

二、新生公園迷宮花園

呢度係惡作劇二吻第一集時，湘琴係飛機上播嘅pre wedding嘅拍攝地點。有伴侶嘅可以同另一半喺度玩吓捉迷藏或者玩下「表哥！追我吖～」。無伴侶既都可以去迷宮度影下Ｊ圖嫁，呢度絕對係一個影相既好地方！

三、馬祖—芹壁休閒渡假村

係直樹喺馬祖當兵時住既地方阿！仲記得湘琴因為太掛住直樹而經歷千辛萬苦先至去得成嘅地方，小編好鍾意佢地喺馬祖嘅片段，因為總係覺得喺馬祖生活嘅直樹係特別sweet嘅！
大家都可以去住下直樹當時住嘅地方嫁！因為佢既原身係民宿尼嫁！
仲可以去欣賞吓馬祖嘅自然美景添！
地址：連江縣北竿鄉芹壁村49號

drop低未阿？準備出發啦！