負41.2度，究竟係咩天氣？嚴寒？唔係！嚴寒已經唔足以形容嗰種凍。係極寒！係極寒！係極寒！要形容朱鞠內湖嘅氣溫，只有「極寒」一詞！朱鞠內湖，係由13個小島堆砌而成嘅雪地。係依個極寒豪雪嘅朱鞠內湖有著「極上粉雪」之稱，再加埋佢嘅「極」低溫，難怪會比各地到訪嘅旅客形容為「位於日本嘅極地」。今個冬天，朱鞠內湖同你一齊感受極寒嘅「冰雪紛飛」，陪你過一個「極寒之冬」！

#  極地垂釣

(shumarinai.jp)

     講到朱鞠內湖嘅冬天，又點可以唔提釣西太公魚？感受極地釣魚嘅寒冷同埋樂趣，將釣魚嘅收穫烹調成當晚嘅晚餐。好彩嘅話，你仲有機會釣到櫻鱒或者遠東紅點鮭等等嘅「大獎」…我指「大魚」。想感受係北極同南極釣魚嘅樂趣？依加係日本嘅朱鞠內湖，就可以享受到極地垂釣！

# 極寒湖上Cafe

(shumarinai.jp)

    要小編諗真正嘅極地同朱鞠內湖有咩分別，應該就係朱鞠內湖有Cafe。透過「乘坐」有私人感嘅帳篷係極寒之湖飄浮，享受熱辣辣嘅美食同飲品，感受「雪中送碳」嘅滋味。所謂「錦上添花易，雪中送碳難」，今日，你就可以體會「雪中送碳」嘅感人之處。

# 雪上電單車

(shumarinai.jp)

    提到好似「粉末」一樣幼細嘅雪，又點可以唔提雪地玩樂？透過雪上電單車，係雪地上嘅陡坡滑行，無論大人定小朋友，都可以自由咁享受係極地揸雪上電單車嘅樂趣。唔只咁，你仲可以沿途觀賞極地景色，感受「極寒」冬天！

    負41.2度嘅「極寒」之冬、極地嘅景色同觀感、感受極地生活，盡在朱鞠內湖雪地體驗！去感受「極寒」，唔著返啲保暖衣物點得呀？你件羽絨放咗係邊呀？快啲拎返出嚟啦！

Lake Shumari 極地體驗
參加費用 ： 35,000円(含稅)　2日1夜(包早、晚餐)
人數 ： 每日約10名
住宿： Lake House Shumarinai (北海道雨竜郡幌加内町朱鞠內湖)
年齢： 5歳以上 (未滿5歲需面議)
携帶物品 ： 冷帽(需覆蓋耳朵)、防水夾克、羽絨、登山外套、保暖打底內衣及打底褲、運動數、防水長褲、厚毛襪、手套、謢目鏡或太陽眼鏡