小編最新去咗廣州玩,所謂食在廣州,係火車站附近都有好野食,呢間一溪月小酒館就係今次小編依肚嘅地方。
其實我就係比佢個樣吸引入去,因為買咗喜茶要等94張單,諗住係附近搵下地方食飯。雖然都怕好睇唔好食,但相機食先成性嘅小編Menu都未睇就入咗去。入面裝修好古樸,連店員都著住店小二嘅裝束。
呢度可以用手機落訂,亦都可以叫小二比落單紙你人手點菜。今次我地食咗雞絲拌麵、豬油手擲包菜、腐皮炒肥腸、蒜泥白肉同冰皮小仙桃。
雞絲拌麵睇上去以為會好辣,但其實係甜得黎帶少少微辣,有啲似口水雞汁嘅味道,好開胃。
蒜泥白肉同雞絲拌麵都係紅當當,但味道好唔一樣,好用心,比雞絲拌麵辣,香辣嘅味道令人一片接一片地放入口。
可能開胃菜係辣辣地,腐皮炒肥腸就無乜好大特別,份量都幾大。
今次最驚喜嘅就係豬油手擲包菜,豬油渣唔會油,反而令個菜好香甜鮮味,真係好好食!
最後就係呢個冰皮小仙桃,上黎嘅時候仙氣四溢,內餡係芋頭蓉,食落唔會好甜,皮薄餡多,唔係曾係得個樣。
一溪月小酒館(東方寶泰店)
地址:廣州林和中路63號東方寶泰購物廣場B3層
電話:020-89282143/ 18938406066
Tags: 紅蜜遊樂團
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like