近年來香港人流行食上海菜，何不趁農曆新年到上海嚐一下真正嘅地道上海菜，順便感受一下國內濃濃嘅過節氣氛？小編誠意推介十款上海地道美食，各位吃貨們不容錯過！

1)小籠

　　小籠包其乎係食上海菜必點嘅點心，而愚園路嘅富春小籠就非常出名，連外國人到上海都指名要食富春小籠。大大粒嘅富春小籠，味道濃郁，入口紮實。

2)生煎包

      生煎包亦係上海必食點心之一，而小楊生煎賣嘅生煎包喺上海當地十分有名。小楊生煎雖然係一間小店，但名氣十分大。離南京路步行區大約五分鐘的走路行程就會搵到小楊生煎包。多汁肉嘅餡令人一試難忘，價錢亦相當實惠，愛吃包子嘅朋友仔不容錯過。

3)鹹豆漿

      上海四大金剛之一。咸豆漿裡加入油條片、榨菜末、蝦皮、蔥花，仲有紫菜，再加一小匙兌了一點醋的鮮醬油，就係上海人每朝早都食嘅鹹豆漿啦。飲慣甜豆漿嘅香港人不妨換一下口味，試下呢款味道鮮美嘅咸豆漿。

4)燒賣

      同廣東菜唔同，上海嘅燒賣主要成份係糯米。蒸熟嘅糯米加入豬肉粒、醬油、料酒等拌勻做餡料。再精緻一啲嘅燒賣仲會加上香菇粒、蝦米，係上海人慣食嘅早點之一，非常好食。

5)鮮肉小餛飩

     上海小餛飩主要係指鮮肉小餛飩。小餛飩講究嘅係外皮，要薄如紙，半透明，露出裡面粉紅色嘅新鮮豬肉餡料，湯底一半為豬油或麻油加開水同埋細蔥花，食嘅時候再加少許白胡椒粉，十分美味，一碗絕對不夠的！

6)菜肉大餛飩

     口感清爽嘅薺菜加上現切嘅豬肉，超級好食！湯底一定要撒上紫菜同蛋皮，咁先係最正宗嘅上海菜肉餛飩食法！

7)酒釀圓子

      酒釀圓子是江南地區著名甜品，係由小圓子同酒釀同煮而成。酒釀味濃甜潤，圓子較糯，餡甜香。係上海菜必上嘅一道甜品。

8)排骨年糕

      排骨年糕係上海一種經濟實惠、又別具風味嘅小食，排骨嘅濃香，加上年糕嘅軟糯酥脆，十分可口。

9)菜飯

      上海最有名嘅菜飯，就係少許鹹肉加青菜做成嘅飯，鮮味十足嘅菜飯加上一碗熱騰騰嘅湯，小編已經流口水啦。

10)油麵筋塞肉 

      上海人講嘅油麵筋，即係香港人叫嘅素生根，裡面塞入新鮮攪拌均勻嘅肉，一齊燒煮，係上海人一道家喻戶曉嘅菜式。

圖片及資料來自網絡