軒尼詩再度呈獻「重新發現港滋味」,喺今年聖誕同新年展現醇美佳釀與港式飲食文化嘅完美配搭。由來自香港頂級米芝蓮兩星級中餐廳營致會館同埋米芝蓮一星怡東軒嘅大廚呈獻一系列冬日盛宴。更聯同來自德國嘅頂級廚房電器品牌Gaggenau合作,專業廚具配上盛宴上嘅上乘時令食材,令顧客享受佳餚同時,一嘗軒尼詩干邑嘅多元風味。展現軒尼詩干邑同埋中國菜嘅天然契合,昇華冬日相聚嘅味蕾享受。
營致會館 - 黑魚子螺片海紅葉x Hennessy X.O
頭盤中具咬勁嘅頂級海蜇同埋傳統海螺多喺秋冬撈獲,現時享用最為鮮美,仲可以促進食慾。海蜇鮮味彈牙,海螺肉質緊緻,配上黑魚子醬作點綴就更加錦上添花。呢一道菜入口鲜味十足,適合搭配剛勁馥郁嘅軒尼詩X.O干邑,可以令口中嘅鮮味煥發。
營致會館 - 青芥末頭抽煎澳洲M9和牛粒x Hennessy X.O
採用肉質細膩多汁嘅澳洲M9牛肉,肉質香氣絕非一般牛肉能媲美。擺盤前放入芥末稍微拌炒,增添些微辛辣風味。呢一道菜融合中西元素同埋甜辣嘅巧妙碰撞,配上軒尼詩X.O其剛勁口感與油脂剛柔並濟,優雅倍增。
營致會館 - 蟹皇竹笙金菇卷x Hennessy X.O
至鮮之本,源於不食不時,取之天然,時令當造嘅珊瑚蟹同埋中式金針菇釀進竹笙內,並用雲南火腿高湯熬煮,帶出鮮味,香氣滿溢。呢一道理料理嘅細致風味同軒尼詩X.O的辛香和蜜餞香氣結合,令味覺更完滿,配搭天衣無縫。
怡東軒 - 梨釀鰒鱆烤肉x Hennessy X.O
將適合干燥嘅秋冬季享用嘅水梨放入用豬肉與鮑魚燉煮嘅鹵汁內,吸取其香氣。章魚肉亦同時帶有豬肉嘅天然油香,肉質鮮嫩多汁,水梨生津滋潤。客人可先品嘗細火慢燉帶有微甘嘅豬肉,接著嚐一口香氣撲鼻嘅水梨,最後係晶瑩凝脂嘅南非鮑魚。軒尼詩X.O渾厚嘅胡椒香氣同呢道菜和諧嘅配搭,干邑嘅天然果香與合二為一,美妙不可言狀。
怡東軒 - 松茸野生雲耳蒸星斑件x Hennessy X.O
松茸同雲耳喺十至十二月時令最當。用品質最頂尖、最當季嘅食材入饌,完整呈現期間限定食材嘅獨特風味。首先準備以松茸清蒸嘅精華高湯,配以低溫儲藏嘅石班魚,確保新鮮同埋細致口感。松茸嘅香氣喺口腔內縈繞不絕,與軒尼詩X.O干邑嘅蜜餞芳香形成絕妙搭配。呢道菜可以突顯出干邑嘅醇香,同時絲毫不掩魚肉嘅鮮甜。
怡東軒 - 珍菌岩米燴8頭湯鮑 x Hennessy X.O
岩米係米中之王,隻生長喺純淨無污染嘅喜馬拉雅山岩縫中,喺其他地方都無法生存。將岩米加入以時令鮮美嘅日本及雲南菇類加上鮑魚一齊熬制醬汁中燉煮。濃醇香氣扑鼻而來,配上一口軒尼詩X.O,口感圓潤平衡,果香同胡椒香氣於口中散發,令人回味無窮。