嚟自東京嘅著名日式海鮮居酒屋「魚治」UOHARU自十月中開業後，已凝聚咗唔少忠心顧客。為咗感謝一眾食客嘅支持，「魚治」緊接推出五款冬日窩心嘅香港限定菜式，等食客可以享受一個暖意洋溢嘅冬天。

UOHARU隸屬MUGEN株式會社旗下，並由日本豐州市場最大批發商「山治」提供最新鮮、最優質嘅漁穫。香港新店秉持日本總店「簡單就是美」嘅精神，以最基本嘅方式，烹調最鮮味嘅食材，等香港美食愛好者專享美饌，喺煩囂鬧市中體驗日本小店嘅獨特氛圍。 

呢個冬季，魚治特別引入五款窩心菜式，包括特選嚟自鹿兒島嘅A4和牛肉眼以及匈牙利嘅鵝肝而成嘅和牛鵝肝壽喜燒($288)。鹿兒島和牛嘅油脂香氣混合鵝肝入口即溶嘅幼滑口感；三五知己喺冬季圍埋一齊食壽喜燒，絕對會令人倍感幸福。除咗提供熱騰騰嘅壽喜燒之外，魚治亦有烤牛肋骨($228)推介，特別以60度慢煮牛肋骨180分鐘，令肉質更細嫩，啖啖鮮味。

炊飯喺日本係好常見嘅一款料理，而土鍋飯又名「日式炊飯」，常用「砂鍋」作烹調器皿。魚治新推出嘅吉列蟹肉白汁忌廉餅土鍋飯($228)係將焗海膽嘅海膽白汁底與蟹味噌先拌均，再加入日本直送鮮松葉蟹肉，內脆外軟。食客可以將吉列蟹肉白汁忌廉餅與三文魚籽放入土鍋飯內攪拌再進食，口感更豐富之餘，食完之後成個人定必暖意洋溢。

其他暖心菜式包括:北海道馬糞膽及日本直送雞蛋蒸制而成嘅海鮮茶碗蒸($78)，每啖都滑膩細緻，蛋味香濃；最後亦有用魚治祕製醬油及選用有馬山椒，用爐端燒燒成嘅鯛魚山椒燒(價錢由$328起)，魚肉滲出山椒嘅獨特香氣，令人一試難忘。 

餐廳以爐端燒作主打，廚師會喺席前準備各式時令食材，例如嚟自日本唔同地區嘅新鮮蔬菜，例如嚟自大分嘅冬菇﹑長野縣嘅杏鮑菇﹑或者係嚟自京都府嘅“萬願寺青椒”等，俾食客即場挑選，而菜單亦會因應每天不同食材供應而改變，確保帶嚟最滋味嘅美食體驗。

「魚治」UOHARU
地址:中環威靈頓街 2-8 號 M88 威靈頓廣場 7/F
電話:+852 2217 8880
Facebook / Instagram: @uoharuhk
營業時間: 中午 12 時至下午 3 時；下午 6 時至晚上 12 時（星期一至日）