屯門共融遊樂場正式啟用！佢改建自屯門公園嘅兒童遊樂場，新遊樂場係一個意念創新嘅共融遊樂場，係本港首個將「水」同「沙」兩個自然元素融入兒童遊樂空間，令到唔同年齡同能力的傷健兒童都可以喺歡樂嘅環境中玩樂成長。

　　共融遊樂場分為南北兩部分，一共有七個遊玩主題區。整個遊樂場設施都經過悉心嘅設計，令到唔同身體狀況嘅兒童，包括坐輪椅嘅小朋友都可以快樂參與其中。

　　遊樂場北以「荷花的寓意」為設計概念，以「水」為主要元素，一共有「光影荷花」、「山丘地帶」和「音樂感官」三個區域。「光影荷花」係利用咗水同光影元素嘅嬉水區，花型嘅高空灑水裝置同嬉水平台可以俾兒童歡樂地玩水。「山丘地帶」有轉盤同彈床等平衡設施，可以訓練兒童嘅平衡力。「音樂感官」設有多種樂器，可以刺激兒童的聽覺。

　　遊樂場南以「爬」為主題，用「沙」作為主要元素，設有四個區域，包括「獵蛋樂園」、「爬蟲樂園」、「旋轉地帶」和「感官地帶」。小朋友可以喺「獵蛋樂園」內嘅沙池和沙枱玩沙「掘蛋」，加強小朋友之間嘅互動交流。「爬蟲樂園」有唔同高度同難度嘅攀爬塔、繩網、滑梯。「旋轉地帶」同「感官地帶」有多種搖擺旋轉設施、觸感牆同埋其他觸感活動組件，帶俾小朋友感官方面嘅體驗。

　　另外仲有鞦韆區，唔同類型嘅鞦韆適合唔同嘅小朋友需要。親子型鞦韆仲可以俾家長一齊參與其中，享受天倫之樂。

圖片及資料來源：https://www.info.gov.hk/gia/general/201811/29/P2018112900321.htm