大家仲記唔記得《愛麗絲夢遊仙境》嘅故事呢？今個除夕，新城市廣場將以「愛麗絲」為題，帶大家走入去《愛麗絲夢遊仙境》入面嘅奇幻世界，等大家可以係「夢」中倒數，穿越時光迎接2019。

# 「Alice漫遊奇幻仙境除夕自助晚餐」&「Alice漫遊奇幻仙境英式下午茶」

今個冬天，新城市廣場將會聯同帝都酒店，為大家準備「Alice漫遊奇幻仙境除夕自助晚餐」。當中最吸睛嘅莫過於以《Alice’s Adventure》童話仙境奇幻樂園為題嘅全新手作甜品放題，以《愛麗絲夢遊仙境》嘅角色造型設計嘅精緻甜品，包括：萌兔慕絲蛋糕、復古陀錶卷蛋、夢幻朱古力磨菇撻及精緻撲克杯子蛋糕等等。

（Alice漫遊奇幻仙境除夕自助晚餐）

另外，新城市廣場仲同帝都酒店準備咗「Alice漫遊奇幻仙境英式下午茶」，一共有12款貫徹奇幻樂園主題嘅新式精緻鹹點同全新手作甜品套餐，帶大家化身童話世界嘅主角。

（Alice漫遊奇幻仙境英式下午茶）

無論係「Alice漫遊奇幻仙境除夕自助晚餐」又好，「Alice漫遊奇幻仙境英式下午茶」都好，你都可以化身為「愛麗絲」，進入奇幻世界，同咁多位幻想世界嘅居民共進美食。

# 「Alice & Friends除夕夢幻倒數狂歡派對」

你嘅英文名係咩呀？Ada？Amy？定係Anna？你問我做乜無啦啦咁問？因為叫Alice的人是有福的。今年嘅《Alice & Friends除夕夢幻倒數狂歡派對》仲特別設有VIP貴賓最佳欣賞專區，比各位叫Alice嘅朋友同男子組歌手近距離接觸，包括：陳柏宇(Jason)、C AllStar前成員梁釗峰、陳健安及人氣樂隊ToNick，以靚聲及勁歌熱舞同大家倒數，迎接2019年！

（Alice & Friends除夕夢幻倒數狂歡派對）

今個除夕夜，係新城市廣場將會以《愛麗絲夢遊仙境》為題，帶大家穿越時空，進入奇幻世界，迎接2019年嘅蒞臨。

《Alice漫遊奇幻仙境除夕自助晚餐》(價值: $1,200/ 2人)

日期：2018年12月31日
時間：晚上7時至10時
地點：沙田帝都酒店1樓帝都薈

《元旦Alice漫遊奇幻仙境英式下午茶》(價值: $400/ 2人)

日期：2019年1月1日
時間：下午3時30分至6時
地點：沙田帝都酒店1樓one+one café & bar
 
《Alice & Friends除夕夢幻倒數狂歡派對》

日期：     2018年12月31日
時間：     晚上10時45分至12時05分
地點：     新城市廣場1期1樓羅馬圓型獻技場