偶爾皮膚都會鬧下情緒，例如會有啲敏感起粒粒、泛紅，甚至變得乾燥脫皮等等情況出現。其實出現呢啲情況，除左係身體向你發出警號，提示你休息唔夠之餘，亦有機會係話俾你知，你既護膚步驟做得唔好！睇下自己有無大意，曾經犯過以下幾個小錯誤。

＃用肥皂洗面

眾所周知，肥皂嘅清潔力一向比較強，而且激刺性既肥皂會帶走肌膚嘅天然油脂，從而削減皮膚嘅屏障。一般黎講，洗臉皂會比較適合油性肌膚，而且大家選擇洗面皂既時候，最好都係揀返啲高保濕力或者滋潤啲既洗臉皂。

＃過度去角質

每個人每日平均會掉落大約５０００萬個皮膚細胞，只需要用小小既力氣就可以將佢地從臉上解放。換句話講，過度去除角質絕對會傷害皮膚，容易令肌膚發炎或者出斑點等問題，甚至令細菌乘虛而入導致皮膚感染。其實去角質最好週期係兩星期，千奇唔好過度頻繁。除此之外，避免使用含有粗糙去角質劑既磨砂膏，可以選擇使用含有糖作為去角質顆粒既溫和產品。

＃保濕乳太香

選擇護膚品最好就挑選啲無添加香料成份嘅產品，因為呢啲香味產品可能會對皮膚造成刺激，更有可能造成濕疹等問題！而且香料同可致敏香料成分係護膚品中，最常見可能引致皮膚過敏反應嘅元兇，為肌膚著想最好就揀返無添加既產品。