講到聖誕，大家都應該會諗起聖誕燈飾；講到京都，大家都應該會諗起古色古香。但你哋有無諗過，聖誕節都可以有古典美呢？每年12月舉行嘅「京都嵐山花燈路」，今年已經係第14屆啦！花燈路以日本傳統嘅露地行燈佈置，以大約2,500盞LED燈燃亮全長5公里嘅散步道，可以話係現代社會中帶古典藝術美。

京都，係一個有多達1200多年歷史文化嘅地方，係每一季都有佢嘅獨特之處。而為咗展示京都嘅風景美，自2015年起，京都嘅東山地區以燈光為題，創造咗係嵯峨嵐山，名為「京都嵐山花燈路」嘅觀光活動。

# 渡月橋花燈路

(插花作品)

係渡月橋嘅兩邊，佈置咗發出淡淡黃光嘅地行燈，猶如「百鬼夜行」一樣。係依個「花燈路」上面，京都插花會將會設置9個由京都名插花大師設計嘅大型插花展品，展現京都嘅藝術美。

(花燈路)

另外，係橋嘅兩邊望落湖面，清澈嘅湖水反射出渡月橋同清水寺嘅畫面。望住啲湖水好似鏡咁樣反射地上面嘅各種美景，實在係別具風格得嚟又帶點虛幻之美。

# 參拜神社

(清水寺)

除咗一邊行，一邊欣賞極具藝術美嘅花燈外，仲可以去途中嘅神社、寺廟參拜。包括寶嚴院、野宮神社、法輪寺等等，欣賞京都古典美嘅同時，又可以親身體驗日本文化。而當中參與嘅寺廟、神社仲有夜間特別場，等你可以到神社入面行一轉之餘，又可以欣賞花燈。

(渡月橋)

去旅行，唔可以全部行程都係去玩嘅。反而，一段旅程應該要有靜嘅時間。如果你下個月有幸到京都一遊，倒不如將「京都嵐山花燈路」列做你「靜」嘅行程，同你嘅旅伴係渡月橘上散步，欣賞以燈花帶出嘅古典美，係旅程當中靜靜休息。

「京都嵐山花燈路」

2018年12月8日至17日 17:00至20:30

嵯峨嵐山地區

前往方法:

JR嵯峨野線到嵯峨嵐山站

阪急電鐵嵐山線到嵐山站

京福電鐵嵐山線到嵐山站

搭乘京都市巴士在京都站前的巴士站搭乘28號線（D3車站），於嵐山下車

搭乘京都巴士在京都站前的巴士站搭乘72號線（C6車站），於嵐山下車                                                                                                          

免費接駁車: 17:45~20:45 (每20分鐘一班)

路線: 二尊院→JR嵯峨嵐山站(途中不可上車)→市營停車場