光影尋「積」聖誕城 積木變身燈飾組漫天星海

光影尋「積」聖誕城積木變身燈飾組漫天星海

| by Coco | 5 years ago

踏入11月，各地嘅聖誕燈飾紛紛亮起，預告聖誕嘅來臨。淘大商場今個聖誕節聯乘嚟自美國家用積木品牌EverBlock，破天荒設計出以積木元素嘅戶外天幕燈飾，企喺露天嘅食街中央就可以將整片星海盡收眼簾。商場二期一樓更設有多個巨型積木裝置，包括以EverBlock砌成全港首個4米高嘅聖誕樹及3米高嘅大型聖誕禮物盒，恍如被重重積木包圍！

巨型積木星空與摯愛天幕下共賞漫天燈飾
被喻為「大人版 LEGO」嘅EverBlock，嚟自美國紐約，其外形與砌法與 LEGO相似，最大嘅分別就在於佢嘅「脹爆身形」，每粒高度達 6 吋，同時有多款配件，不論大小朋友，均可憑創意自由設計及組裝成為實體傢具，創造無限能。

EverBlock今次首度走進商場，除咗巨型積木裝置外，戶外食街會首次掛上以積木為題嘅天幕燈飾，串串迷人星海及雪花，等你喺漫天星空下拍照打卡，與摯愛喺天幕燈飾下留下最溫馨一刻！

EverBlock首次來港室內5大打卡位

拍照打卡位由戶外伸延到室內。二期一樓大堂化身成積木聖誕城，遊走於由Everblock組成嘅巨型積木裝置中，頃刻成為積木世界嘅小人國國民。其中逾 3米高嘅積木禮物盒更暗藏大熱浪漫光影拍攝區。

喺色彩斑斕嘅光影投射下，隨手已可拍出動人嘅剪影照；禮物盒旁逾4米高嘅EverBlock積木聖誕樹更係專業團隊砌成，聖誕樹下暗藏多個禮物盒，展示商戶聖誕期間限定推介，待你逐一發掘。

「聖誕老人天王椅」同樣由EverBlock積木逐粒砌成，俾一家大細，朋友及情侶們裝作霸氣王者！大小朋友仲可以走到巨型聖誕帽及聖誕襪拍照，置身於放大版積木世界！

別注版EverBlock產品創意又實用

此外，EverBlock同時聯同淘大商場推出多款別注版產品，顧客喺場內消費滿港幣1800元或以上可換領一套以雪白嘅EverBlock積木配上簡約實木嘅別注版兒童椅，小朋友可自行組裝，並貼上特製貼紙，發揮藝術天分；消費滿港幣1000元或以上，則可換領別注版限定紅酒杯；消費滿港幣800元或以上則可換領別注版限定積木圖案毛氈一件，度過暖笠笠嘅聖誕節。