今個冬季 食盡北海道「帯広はげ天」全新火鍋

係依個咁凍嘅冬天，又點少得打邊爐？今個冬天，北海道鄉土料理專門店「帯広はげ天」為你帶嚟兩款全新特式火鍋。作為一個有要求嘅食家，當然要了解一下「帯広はげ天」係乜啦！

(nararisa.blog.jp)

「帯広はげ天」係由矢野省六係1934年嘅北海道帶廣市創立。開八十幾年嚟一直堅守「在烹製美味佳餚之時，不惜一切精挑食材，尤其著重北海道食材的選用。」為大家準備當季嘅新鮮食材。

# 骨膠原豆乳和牛鍋 ($488)

(「帯広はげ天」骨膠原豆乳和牛鍋)

骨膠原豆乳和牛鍋嘅湯底係骨膠原豆乳雞白湯。骨膠原可以增加身體入面嘅膠原蛋白，令皮膚更光滑有彈性；豆乳唔單止可以美白肌膚、令到塊臉摸落去滑捋捋，仲可以用嚟減肥同補濕。無論係健康定美顏方面都係不二之選。

骨膠原豆乳和牛鍋配有日本A4級和牛，仲有菠菜、舞茸、金菇等等嘅精選食材做配菜。唔止咁，仲有拉麵收尾，吸收濃湯嘅精華，等你試盡湯嘅濃郁精華，「飽」受滋養身心嘅盛宴。

# 極上漁師鍋 ($560)

(「帯広はげ天」極上漁師鍋)

極上漁師鍋係海鮮鍋，湯底包括海膽醬、木魚湯和豆乳雞湯。木魚同海膽含有豐富嘅蛋白質，可以幫助修補受損組織。另外，海膽仲含有鈣質，幫助預防骨質疏鬆。

極上漁師鍋合有鱈場蟹腳、赤海蝦等多種矜貴海鮮，仲有水菜、本菇同燒硬豆腐等精選食材做配菜。極上漁師鍋糅合多種鮮味和口感，為你嘅味蕾帶嚟極致豐富嘅享受。

無論你鍾意食海鮮定係鍾意食日本和牛，「帯広はげ天」都可以滿足你。依加，「帯広はげ天」係圓方開咗分店，唔洗咁辛苦走去日本啦！

「帯広はげ天」（OBIHIRO HAGETEN）

地址： 九龍柯士甸道西1號圓方2樓2103-05號舖
電話： +852 2196 8310
營業時間： 上午11時30分至下午4時、下午5時30分至晚上10時30分
（星期一至日）
Facebook / Instagram： @obihirohagetenhk