由東尖沙咀地產發展商聯會主辦嘅第36屆「閃爍尖東耀香江2018」亮燈儀式，早前已經喺九龍尖東市政局百週年紀念花園圓滿舉行，極具節日氣氛嘅燈飾喺區內及海濱長廊一帶多棟大廈嘅外牆同步亮起，璀璨奪目嘅聖誕燈飾照亮維港，為市民及遊客送上美麗嘅景致，成為佳節不可或缺嘅「打卡」勝地，亦為即將來臨嘅聖誕及新年倍添節日氣氛！
聯會會員都以與別不同嘅方式慶祝佳節到來。麼地道嘅三條天橋上以禮物花裝飾佈置，為聖誕節添上濃厚嘅節日氣氛。尖東其他建築物嘅外牆燈飾，更加係令人驚喜連連！
尖沙咀中心及帝國中心裝上由6萬5千顆變色LED圓點燈組成維港上最大嘅多媒體幕牆，總面積逾4,000平方米，呈現極具動感及變化萬千嘅光影及圖案，與維港兩岸景色相互輝映, 為旅客與市民帶嚟佳節祝福; 麼地里設有色彩繽紛嘅燈海，成爲攝影打卡熱點。
南洋中心外牆掛上以聖誕火車為主題嘅燈飾，展現動感與歡欣；富豪九龍酒店以慳電節能嘅LED 燈展示與聖誕佳節相關嘅主題圖案。
海景嘉福洲際酒店採用傳統歐洲聖誕風，透過多種顏色搭配閃爍燈光，營造溫馨浪漫嘅氣氛；千禧新世界香港酒店配以金光閃閃嘅「垂珠」，加上紅綠燈飾，閃耀璀璨，象徵喜樂處處！
Tags: Homita小出走
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
