你覺得自己幸福嗎？喺依個生活節奏快，資訊科技高速發展嘅社會到，追求心靈健康就好似好奢侈咁。原來，依個咁繁複嘅生活，令到好多人不時都會浮起一啲負面情緒。而每年嘅11月17號，正正就係追求心靈快樂嘅日子— 「心靈幸福日」

「心靈幸福日」係由「幸福傳聲基金會」所舉辦。有睇過我上一篇文嘅人都會知道，係受大家細個嗰陣玩嘅傳聲筒啟發，致力幫助受情緒問題困擾嘅人。

# 全城響應！「喂，我好掛住你！」

唔知你有幾耐無搵過你啲親戚朋友呢？喺11月17號當日，響應「喂，我好掛住你！」行動，透過WTS、FB、IG等等嘅社交平台，同好耐無見嘅親戚朋友講聲「我好掛住你」，關心身邊嘅人。

# 幸福體驗

「心靈幸福日」，又點少得去體驗幸福？今年，「幸福傳聲基金會」為你帶嚟三個前所未有、唔同系列既幸福體驗。

第一個體驗係「獨食難肥」系列，透過DIY手作放鬆心情。屆時，大會將會提供藝術創作、自製護膚品等活動，等咁多位參加者可以透過DIY，安靜心靈。如果你中意一個人靜靜地DIY嘅話，就一定唔可以錯過「獨食難肥」嘅體驗啦！

第二個體驗係「同撈同煲」系列，透過同大家一齊玩遊戲、一齊DIY、一齊探索大自然嘅奧秘，同身邊嘅人建立「幸福」的關係。「同撈同煲」系列岩哂活潑好動、鍾意群體活動，結識新朋友嘅你。

而最後一個體驗就係「皆大歡喜」系列。大會屆時將會提供特別嘅餐飲同景點參觀團，等參加者可以同佢地嘅三五知己一齊享受佳餚，體驗生命中嘅成長經歷。無論你係吃貨又好，定係鍾意睇風景都好，都好應該叫埋班朋友去參加「皆大歡喜」系列嘅幸福體驗啊！

無論你係咩人都好，都有資格追求幸福。全城追「幸」！11月17號「心靈幸福日」約定你！