傳聲步行撤滿愛 幸福傳聲基金會2018心靈行

仲記唔記得細個嗰陣同朋友玩傳聲筒啊？原來傳聲筒唔只可以用嚟玩，仲可以嚟幫人。咩話？用嚟幫人？係呀！用嚟幫人呀！「幸福傳聲基金會」正正就係受「傳聲筒」嘅原理啟發，去關懷心靈受創嘅人。

（Google 相片）

「幸福傳聲基金會」作為一間慈善機構，又點少得係今個聖誕散滿「愛」呢？今個月，「幸福傳聲基金會」將會舉辦「慈善心靈行」，同大家行住撒「愛」，提升大眾關注心靈健康。

（幸福傳聲基金會）

今年，「慈善心靈行」會有兩條唔同嘅路線— 「幸福路線」同「心靈路線」。「幸福路線」會係11月17號（星期六）起行，而「心靈路線」就會係11月25號（星期日）起行。

（幸福傳聲基金會）

「幸福路線」主要行太平山區同上環區。太平山區同上環區喺19世紀嗰陣爆發過鼠疫，政府下令清拆區內大部份樓屋宇同醫療建築。而加，太平區同上環區已經換然一新。「幸福路線」由英皇佐治五世紀念公園，經前華人瘋人院、東華醫院、太平山街等地，去到香港醫學博物館。行過「幸福路線」唔單只可以感受太平山區同上環區嘅新舊變化，仲可以幫到身邊受情緒問題嘅朋友。

（幸福傳聲基金會）

而「心靈路線」會以中西區海濱長廊為主。 中西區海濱長廊主要為於中環至西環沿海一帶，利用4個碼頭去劃分唔同主題，包括兒童空間同多項遊樂設施。透過行「心靈路線」除左可以欣賞海景之外，仲可以放低重擔，放鬆心情，注入新力量。

（幸福傳聲基金會）

「幸福路線」會有斜路同梯級，岩哂平日做開運動嘅你；而「心靈路線」就岩一家大細。今年嘅心靈行，仲有豐富精彩嘅獎品等住你。無論你係行「幸福路線」，定係行「心靈路線」都好，都可以幫助心靈受創嘅人。今個月，「任何仁」都可以心靈行，「任何仁」都可以關心人。