「又到聖誕..又到聖誕..」每逢聖誕，大家都會趁假期返鄉下（日本）。今年，喺博多運河城有水舞間睇，五彩紛飛，岩哂各位打卡。

(博多運河城官方網站)

今年11月10號夜晚7點開始，博多運河城將會舉行名為「Canal Christmas Magic」嘅開幕儀式。而水舞間會係11月10號至下年嘅2月24號每晚5點到12點，舉行「Canal Christmas Magic」嘅聖誕限定水舞間。

今次聖誕限定水舞間將會以180度嘅形式表演，務求令各位觀眾喺任何角度都可以望哂全景嘅演出。唔單止係咁，今年仲會有直徑達12m嘅金色圓頂STAR COURT，令成個表演更加金碧輝煌，同大家過一個華麗聖誕。

除此之外，博多運河城仲有「Santa Claus is coming to Caral」嘅虛擬全景故事劇場。

「Santa Claus is coming to Caral」會係11月10號嘅19:30、20:00、同21:00；同11月11號到12月25號18:00、19:00、20:00、21:00上演。「Santa Claus is coming to Caral」將會講述聖誕老人係到準備禮物嘅經過，陪你渡過一個開心嘅聖誕。

今年聖誕，無論係聖誕去又好；聖誕後去都好，都要去博多睇睇咁精彩嘅水舞間，入博多運河城同閨蜜或者另一半打卡啊！