港鐵公司旗下德福廣場致力為顧客打造多元化購物體驗，除咗引入各類型特色商戶照顧大眾所需外，同時亦舉辦各大型主題互動展覽及活動，俾大家體驗不一樣嘅消閒購物樂趣。每年聖誕絕對係情侶們及一家大細最期待嘅節日，除咗歡聚吃喝共享溫馨時光外，仲可以喺大型主題裝置前拍下甜蜜照片，歡度暖笠笠冬日！

商場今年特別與德國百年泰迪熊品牌Steiff攜手打造「泰迪熊聖誕」，百年歷史品牌Steiff於1902年推出全球首隻四肢及頭部都能扭動嘅泰迪熊，備受國際殿堂級時尚大師Karl Lagerfeld及德國歷代皇室貴族嘅擁戴。

今次四米高聖誕裝置最矚目之處必定係全球首次登場、4米高並以路德維希二世國王造型亮相嘅毛毛泰迪熊(於2期商場位置)，以及以夢幻嘅德國新天鵝堡為設計藍本嘅主題裝置，配上浪漫飄雪效果，絕對係閨蜜及情侶打卡首選，唔洗出國都可以感受白色聖誕氣氛。

場內更有過百隻、超過20款造型嘅大小泰迪熊，喺不同角落與大家開心迎聖誕，齊齊暢遊傳統德國聖誕村莊，親嚐地道美酒佳餚，必不可少嘅當然係德國脆爆咸豬手、長達20cm嘅德國腸及熱紅酒等等。

此外，場內仲有售賣不同聖誕飾物及手作精品嘅攤檔，話唔定可以揾到聖誕禮物嘅好選擇！想抱抱泰迪熊或近距離欣賞女生們最愛嘅趣緻泰迪熊珍藏？商場2期可以一擁4米高國王泰迪熊合照，場內更特別設置泰迪熊主題珍藏展，邀得Steiff德國博物館借出超過40件從未曝光嘅珍藏品及親筆手稿，並有多個萌爆造型嘅泰迪熊，保證大開眼界！

4米高國王泰迪熊全球首登場 與您暢遊白色新天鵝堡

毛毛小熊向來係小朋友嘅最佳玩伴，商場今次特別為大家帶嚟4米高超巨型毛毛泰迪熊，更以路德維希二世國王(King Ludwig II)造型架勢登場，戴著滿佈亮眼珠寶嘅金黃色皇冠，更有潔白優雅的天鵝倚伴在旁，保證大家瞬間童心大爆發，抱抱國王泰迪熊合照一番！

新天鵝堡乃19世紀晚期 (1869年)嘅建築，係德國最受歡迎嘅旅遊景點之一，商場喺指定時間更有飄雪效果，浪漫氣氛滿溢整個商場。途經商場一期及二期時，大家可與1.8米高威武嘅士兵造型泰迪熊親蜜合照，更可抬頭欣賞德國傳統聖誕蠟燭台嘅夢幻裝置，與蠟燭台附近嘅泰迪熊揮手打招呼，盡情投入小熊繽紛世界。

穿梭城堡期間，大家更可欣賞Steiff德國博物館特別借出超過40件珍藏品，包括星級系列如伊利沙伯二世90週年泰迪熊及時尚大師Karl Lagerfeld泰迪熊；Steiff家族系列如印有創辦人Margarete頭像嘅泰迪熊；可愛爆燈嘅卡通造型系列及中國傳統系列嘅乾隆皇帝泰迪熊、中國戲曲泰迪熊、過百年經典系列的復刻版珍藏泰迪熊，以及女生們至愛的聖誕系列泰迪熊等。

想了解更多泰迪熊嘅製作過程？展覽內有多幅親筆設計嘅手稿及百年製作工具，粉絲們不容錯過。至於一眾時尚達人更可欣賞本地著名演唱會造型設計師Constance Lee(曾為容祖兒、陳慧琳及張敬軒等設計造型)為今次泰迪熊展覽設計嘅全新造型，絕對係糅合經典及創意嘅主題展覽。

過百小熊現身德國聖誕村 主題市集品嘗特式美酒佳餚

德國聖誕市集乃全球冬日旅遊必玩嘅景點之一，今個聖誕商場為大家帶嚟夢幻嘅德國主題聖誕市集，除咗可以喺5.2米高巨型德國風車蠟燭台裝置大拍溫馨照片外，抬頭仲可以望見不同造型嘅泰迪熊於傳統德國建築嘅閣樓上攜手準備派對禮物及美食，與大家慶祝開心佳節！

歡度佳節當然唔少得聖誕美食及手作精品，商場今次獲得德國國家旅遊局全力支持，舉辦德國主題聖誕市集，多個售賣傳統佳餚嘅攤檔，如香脆德國咸豬手、滋味德國腸及特色漢堡；美酒當然唔少得德國手工啤酒及暖胃嘅熱紅酒等！

商場更設Steiff期間限定店，一眾泰迪熊粉絲萬勿錯過！此外，場內更有多款地道飾物及手作精品如胡桃夾子木偶、其他木製聖誕擺設及香薰座等；俾你挑選心儀禮物送贈摯愛！

德福廣場「泰迪熊聖誕市集」

日期:

2018年月11月5日（星期一）至2019年1月1日（星期二）

時間:早上11時至晚上9時

地點:九龍灣德福廣場一期中央展場
 

德福廣場「Steiff泰迪熊展覽」

時間:早上11時至晚上9時

地點:九龍灣德福廣場二期中庭