你覺得自己有冇「公主病」呢？其實公主病有時只係因為有個錫自己嘅另一半，經常依賴對方而慢慢被寵壞。不過有啲人嘅「公主病」真係會令人反晒白眼，以下五個星座就係「公主病」常見患者，睇下自己有冇上榜啦！

第五位　水瓶座

水瓶座嘅性格一向都令人摸不透，好鐘意問「你覺得我今日有咩唔同？」呢種致命問題，一旦男友答唔出，隨之而來又是一頓黑面。所以公主病對水瓶女黎講簡直係渾然天成，而且佢地經常先入為主甘覺得男友要主動幫自己手，如果唔係就係唔愛自己。

第四位　牡羊座

牡羊座本身有好強嘅主觀意識，覺得男朋友就係要順住自己心意。加上牡羊女擅長撒嬌，一句溫柔嘅請求，令男友就範。牡羊座嘅公主病係智慧型，算係王者等級公主。

第三位　巨蟹座

巨蟹比人嘅印象係顧家全能好女人，不過其實巨蟹只係宅，唔一定顧家，更唔一定係好脾氣。佢地內心複雜，喜歡胡思亂想；如果男友不小心得罪佢，雖然講就講無野，其實一早火燒心，仲怪人睇唔出佢嬲咗。

第二位　天蠍座

天蠍座嘅公主病絕對係愛你嘅表現，佢想知道另一半嘅一切行蹤，唔希望你經常出去玩。萬一另一半係重友情嘅人，佢好容易唔開心。而且天蠍認為，兩個人一齊就係要為對方犧牲，所以天蠍座嘅公主病更像是內心層面，需要好好陪伴。

第一位　處女座

對於完美主義者處女座，係愛情方面都經常不自覺流露出領導風範，令男友好大壓力。哪怕係一啲小事，都會定下標準去完成，而且希望對方係可以依賴嘅一個，先可以緩解自己係其他方面嘅壓力。

Photo via model.foto